Belangi
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 205-b. — ziyouz.com
Belangi BELANGI, bel oğriği, lyumbago — belning tösatdan qattiq oğrib qolişi. Asosan, oğir yuk kötariş yoki keskin harakat qiliş tufayli umurtqa poğonasi muskullariga haddan taşqari zör kelganda röy beradi. Umurtqa poğonasi boylamlarining çözilişi, orqa miya ildizlarining qisilişi va organizmning qattiq sovuq qotişi ham B.ga sabab böladi. Şuningdek, revmatizm bölgan bemorlarda yoki umurtqalararo toğaylarning nuqsonlari oqibatida ham röy beradi. B.da aksari belning bir tomoni oğrib, bir oz jismoniy zöriqqanda, harakat qilganda, yötalganda, aksirganda kuçayadi. Bel bosib körilganda bezillab turadi, bemor qaddini kutara olmay qoladi. Oğriq odatda bir neça soatdan 4 — 5 kungaça tutadi. Bel oğriği tutganda tekis va qattiq örinda qimirlamay yotiş va vraç tavsiyasiga binoan oğriq qoldiruvçi va yalliğlanişga qarşi dori-darmonlar qabul qiliş, malhamlar b-n iylaş, gorçiçnik qöyiş tavsiya etiladi. Oğriq bir oz kamaygaç fizioterapiya buyuriladi. B.ning oldini oliş uçun jismoniy zöriqişga, keskin harakat qilişga, organizmning qattiq sovuqqotişiga yöl qöymaslik va unga sabab böladigan omillarni vaqtida bartaraf etiş zarur.
Asl matn (kirill, PDF'dagidek)
БЕЛАНГИ, бел оғриғи, люмбаго — белнинг тўсатдан қаттиқ оғриб қолиши. Асосан, оғир юк кўтариш ёки кескин ҳаракат қилиш туфайли умуртқа поғонаси мускулларига ҳаддан ташқари зўр келганда рўй беради. Умуртқа поғонаси бойламларининг чўзилиши, орқа мия илдизларининг қисилиши ва организмнинг қаттиқ совуқ қотиши ҳам Б.га сабаб бўлади. Шунингдек, ревматизм бўлган беморларда ёки умуртқалараро тоғайларнинг нуқсонлари оқибатида ҳам рўй беради. Б.да аксари белнинг бир томони оғриб, бир оз жисмоний зўриққанда, ҳаракат қилганда, йўталганда, аксирганда кучаяди. Бел босиб кўрилганда безиллаб туради, бемор қаддини кутара олмай қолади. Оғриқ одатда бир неча соатдан 4 — 5 кунгача тутади. Бел оғриғи тутганда текис ва қаттиқ ўринда қимирламай ётиш ва врач тавсиясига биноан оғриқ қолдирувчи ва яллиғланишга қарши дори-дармонлар қабул қилиш, малҳамлар б-н ийлаш, горчичник қўйиш тавсия этилади. Оғриқ бир оз камайгач физиотерапия буюрилади. Б.нинг олдини олиш учун жисмоний зўриқишга, кескин ҳаракат қилишга, организмнинг қаттиқ совуққотишига йўл қўймаслик ва унга сабаб бўладиган омилларни вақтида бартараф этиш зарур.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.