Beruniy nomidagi Özbekiston Respublikasi Davlat mukofoti
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 271-b. — ziyouz.com
Beruniy nomidagi Özbekiston Respublikasi Davlat mukofoti BERUNIY (ABU RAYHON BERUNIY) NOMIDAGI ÖZBEKISTON RESPUBLIKASI DAVLAT MUKOFOTI — fan va texnika sohasidagi mukofot. Ayrim olim yoki olimlar guruhiga ilmfan taraqqiyotiga ulkan hissa qöşadigan, yuksak amaliy ahamiyatga molik bölgan, respublika ilmfani va texnikasining jahon yutuklari darajasiga çiqişini ta'minlaydigan tadqiqotlar; respublika ilmiytexnika dasturlari, loyihalarini amalga oşirişda jiddiy natijalarga erişganlik; öz körsatkiçlariga köra eng yaxşi jahon namunalari darajasidagi yoki ulardan yuqori bölgan texnika, materiallar va texnologiyalarning yangi turlarini işlab çiqqanlik, joriy etganlik va i. ç.da özlaştirganlik; moddiy, tabiiy, mehnat resurslarining köplab tejalişini, atrof muhit muhofazasini ta'minlovçi texnologiyalarni yaratganlik va joriy etganlik; Özbekistonning ma'naviy merosi va uni rivojlantiriş istiqbollarini, jamiyatning madaniy va ijtimoiy taraqqiyotini çuqur anglaşga kömaklaşadigan ijtimoiygumanitar fanlar sohasidagi alohida muhim yutuqlar; jamoatçilik tomonidan keng e'tirof etilgan, uç va undan ortiq marta naşr qilingan, özida yangi ilmiy ğoyalarni mujassamlaştirgan, oliy öquv yurtlari uçun möljallangan original darsliklar uçun beriladi. Dastlab ÖzSSR Davlat mukofoti sifatida 1967 y. 6 sent.da ta'sis etilgan. 1991 y. 5 martdan ÖzR Davlat mukofoti. ÖzR Vazirlar Mahkamasining 1996 y. 13 fev.dagi qarori b-n ta'sis qaroriga özgartirişlar kiritilgan. Mukofotga takdim etilgan işlarni tavsiya qiliş, muhokamadan, ekspertizadan ötkazişni taşkil etiş va mukofotlaş b-n boğliq boşqa işlarni bajariş uçun ÖzR Vazirlar Mahkamasi huzurida Fan va texnika sohasida Beruniy (Abu Rayhon Beruniy) nomidagi ÖzR Davlat mukofotlari qömitasi tuzilgan. Mukofot ÖzR Prezidenti Farmoni b-n har 3 y.da Mustaqillik bayrami arafasida beriladi. Mukofotlanganlarga Abu Rayhon Beruniy tasviri tuşirilgan faxriy nişon va tegişli guvohnoma topşiriladi. 1996 i.ga qadar 407 kişi şunday mukofotga sazovor bölgan.
Asl matn (kirill, PDF'dagidek)
БЕРУНИЙ (АБУ РАЙҲОН БЕРУНИЙ) НОМИДАГИ ЎЗБЕКИСТОН РЕСПУБЛИКАСИ ДАВЛАТ МУКОФОТИ — фан ва техника соҳасидаги мукофот. Айрим олим ёки олимлар гуруҳига илмфан тараққиётига улкан ҳисса қўшадиган, юксак амалий аҳамиятга молик бўлган, республика илмфани ва техникасининг жаҳон ютуклари даражасига чиқишини таъминлайдиган тадқиқотлар; республика илмийтехника дастурлари, лойиҳаларини амалга оширишда жиддий натижаларга эришганлик; ўз кўрсаткичларига кўра энг яхши жаҳон намуналари даражасидаги ёки улардан юқори бўлган техника, материаллар ва технологияларнинг янги турларини ишлаб чиққанлик, жорий этганлик ва и. ч.да ўзлаштирганлик; моддий, табиий, меҳнат ресурсларининг кўплаб тежалишини, атроф муҳит муҳофазасини таъминловчи технологияларни яратганлик ва жорий этганлик; Ўзбекистоннинг маънавий мероси ва уни ривожлантириш истиқболларини, жамиятнинг маданий ва ижтимоий тараққиётини чуқур англашга кўмаклашадиган ижтимоийгуманитар фанлар соҳасидаги алоҳида муҳим ютуқлар; жамоатчилик томонидан кенг эътироф этилган, уч ва ундан ортиқ марта нашр қилинган, ўзида янги илмий ғояларни мужассамлаштирган, олий ўқув юртлари учун мўлжалланган оригинал дарсликлар учун берилади. Дастлаб ЎзССР Давлат мукофоти сифатида 1967 й. 6 сент.да таъсис этилган. 1991 й. 5 мартдан ЎзР Давлат мукофоти. ЎзР Вазирлар Маҳкамасининг 1996 й. 13 фев.даги қарори б-н таъсис қарорига ўзгартиришлар киритилган. Мукофотга такдим этилган ишларни тавсия қилиш, муҳокамадан, экспертизадан ўтказишни ташкил этиш ва мукофотлаш б-н боғлиқ бошқа ишларни бажариш учун ЎзР Вазирлар Маҳкамаси ҳузурида Фан ва техника соҳасида Беруний (Абу Райҳон Беруний) номидаги ЎзР Давлат мукофотлари қўмитаси тузилган. Мукофот ЎзР Президенти Фармони б-н ҳар 3 й.да Мустақиллик байрами арафасида берилади. Мукофотланганларга Абу Райҳон Беруний тасвири туширилган фахрий нишон ва тегишли гувоҳнома топширилади. 1996 и.га қадар 407 киши шундай мукофотга сазовор бўлган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.