Biogen stimulyatorlar
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 326-b. — ziyouz.com
Biogen stimulyatorlar BIOGEN STIMULYATORLAR, biologik stimulyatorlar — muayyan şaroitda hayvonlar va ösimliklar töqimalarida hosil böladigan va biologik faollik xususiyatiga ega bölgan moddalar. B.s. tuğrisidagi ta'limot ilk bor V. P. Filatov (1875— 1956) tomonidan işlab çiqilgan. B.s. organizm funksiyalarini tezlaştiradi. B.s.li preparatlar ösimliklar (aloe bargi ivitmasi) va hayvonlar töqimalaridan turli xil omillar (sovitiş, qoronği joyda saqlaş va b.) ta'sir etişi orqali, şuningdek mikroflora va mikrofauna qoldiklariga ega bölgan torfdan hamda balçikdan tayyorlanadi. B.s.dan tibbiyotda har xil kasalliklar (tez bitmaydigan yaralar, yalliğlaniş jarayonlari, köz kasalliklari, ekzema, suyak sinişi, endometritlar, mastit va b.) ni davolaşda, çorvaçilikda yoş mollarning ösişini tezlaştiriş, puştini köpaytiriş va mahsuldorligini oşirişda foydalaniladi. Bunda suyuq preparatlar inyeksiya qilinadi yoki içiriladi. Implantatsiya maqsadlarida quruq preparatlar (hayvonlar embrioni, taloği, jigari va buyrak usti bezidan tayyorlanadigan quruq biostimulyatorlar), Dorogoye antiseptik stimulyatori, yilqilar qon zardobi (SJK), hayvonlarning konserva qilingan koni va uning ekstrakti (DZK), atsidofil bulon kulturasi (ABK) va b. işlatiladi.
Asl matn (kirill, PDF'dagidek)
БИОГЕН СТИМУЛЯТОРЛАР, биологик стимуляторлар — муайян шароитда ҳайвонлар ва ўсимликлар тўқималарида ҳосил бўладиган ва биологик фаоллик хусусиятига эга бўлган моддалар. Б.с. туғрисидаги таълимот илк бор В. П. Филатов (1875— 1956) томонидан ишлаб чиқилган. Б.с. организм функцияларини тезлаштиради. Б.с.ли препаратлар ўсимликлар (алоэ барги ивитмаси) ва ҳайвонлар тўқималаридан турли хил омиллар (совитиш, қоронғи жойда сақлаш ва б.) таъсир этиши орқали, шунингдек микрофлора ва микрофауна қолдикларига эга бўлган торфдан ҳамда балчикдан тайёрланади. Б.с.дан тиббиётда ҳар хил касалликлар (тез битмайдиган яралар, яллиғланиш жараёнлари, кўз касалликлари, экзема, суяк синиши, эндометритлар, мастит ва б.) ни даволашда, чорвачиликда ёш молларнинг ўсишини тезлаштириш, пуштини кўпайтириш ва маҳсулдорлигини оширишда фойдаланилади. Бунда суюқ препаратлар инъекция қилинади ёки ичирилади. Имплантация мақсадларида қуруқ препаратлар (ҳайвонлар эмбриони, талоғи, жигари ва буйрак усти безидан тайёрланадиган қуруқ биостимуляторлар), Дорогое антисептик стимулятори, йилқилар қон зардоби (СЖК), ҳайвонларнинг консерва қилинган кони ва унинг экстракти (ДЗК), ацидофил бульон культураси (АБК) ва б. ишлатилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.