Biokompyuter
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 335–336-b. — ziyouz.com
Biokompyuter — öta tezkor va katta integratsiya koeffitsiyentiga ega bölgan biomikrosxemalar asosida yaratilgan elektron hisoblaş maşinasi. B. yaratiş uçun molekulyar elementlar va molekulalar tizimi (ansambli)ni loyihalaş, molekulyar elementlardan eng köp foydalanuvçi yangi biomikrosxemali texnikani işlab çiqiş va bioqurilma hamda tizimlarni i. ç.ning tamoman yangi texnologiyasini, mas, submikron va nanotexnologiya kabi jarayonlarni işlab çikiş zarur. Hoz. vaktda bu yönalişlarda ançagina muhim nazariy va amaliy natijalarga erişilgan. B.larning turli loyihalari mavjud. B.ning asosiy qismlari: axborotni matritsaviy parallel usulda kiritiş qurilmasi; molekulyar tezkor xotiraga ega bölgan molekulyar mikroprotsessor; axborotni optik usulda kiritiş va çiqariş qurilmalari. Axborotlarni töplaş, tarqatiş, ularga işlov beriş va boşkaruv tizimlari kabi qurilmalar B. asosida loyihalansa, har tomonlama ixçam va iqtisodiy jihatdan arzon bölgan köp funksiyali biokomplekslarni işlab çiqiş imkoniyati paydo böladi. B. va biokomplekslar yaratiş yuzasidan ilmiytexnikaviy izlanişlar, ayniqsa, biosxemotexnika va yangi texnologik jarayonlar b-n boğliq işlar olib borilmoqda.
Asl matn (kirill, PDF'dagidek)
БИОКОМПЬЮТЕР — ўта тезкор ва катта интеграция коэффициентига эга бўлган биомикросхемалар асосида яратилган электрон ҳисоблаш машинаси. Б. яратиш учун молекуляр элементлар ва молекулалар тизими (ансамбли)ни лойиҳалаш, молекуляр элементлардан энг кўп фойдаланувчи янги биомикросхемали техникани ишлаб чиқиш ва биоқурилма ҳамда тизимларни и. ч.нинг тамоман янги технологиясини, мас, субмикрон ва нанотехнология каби жараёнларни ишлаб чикиш зарур. Ҳоз. вактда бу йўналишларда анчагина муҳим назарий ва амалий натижаларга эришилган. Б.ларнинг турли лойиҳалари мавжуд. Б.нинг асосий қисмлари: ахборотни матрицавий параллел усулда киритиш қурилмаси; молекуляр тезкор хотирага эга бўлган молекуляр микропроцессор; ахборотни оптик усулда киритиш ва чиқариш қурилмалари. Ахборотларни тўплаш, тарқатиш, уларга ишлов бериш ва бошкарув тизимлари каби қурилмалар Б. асосида лойиҳаланса, ҳар томонлама ихчам ва иқтисодий жиҳатдан арзон бўлган кўп функцияли биокомплексларни ишлаб чиқиш имконияти пайдо бўлади. Б. ва биокомплекслар яратиш юзасидан илмийтехникавий изланишлар, айниқса, биосхемотехника ва янги технологик жараёнлар б-н боғлиқ ишлар олиб борилмоқда.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.