Birlaşgan millatlar taşkilotining bolalar jamğarmasi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 378-b. — ziyouz.com
Birlaşgan millatlar taşkilotining bolalar jamğarmasi (YUNISEF) — BMTning asosiy jamğarmalaridan biri. Uzoq vaqt davom etgan uruş natijasida katta qiyinçiliklarga duçor bölgan Yevropa bolalariga ğamxörlik körsatiş maqsadida 1946 y.da tuzilgan. 1953 y.dan BMTning doimiy tuzilmasiga aylangan. Yer yuzida, ayniqsa rivojlanayotgan mamlakatlardagi bolalarning soglom va barkamol voyaga yetişiga kumaklaşiş uning boş tamoyilidir. Mazkur sohadagi faoliyati uçun 1965 y.da Nobel mukofoti b-n takdirlangan.
Özbekiston mustaqillikka erişgaç, YUNISEFga a'zo böldi va u b-n yaqin hamkorlik örnatdi. Jamğarma tomonidan bolalarni immunizatsiya qiliş, boşlanğiç maktab öquvçilarini oziq-ovqat va içimlik suv b-n ta'minlaş, vaksinalar yetkazib beriş böyiça uzoq muddatli dasturlar, Orolböyi aholisiga yordam körsatiş yuzasidan maxsus dastur, «Orol dengizi: mintaqaviy va ekologik yordam loyihasi» işlab çiqilgan.
Asl matn (kirill, PDF'dagidek)
БИРЛАШГАН МИЛЛАТЛАР ТАШКИЛОТИНИНГ БОЛАЛАР ЖАМҒАРМАСИ (ЮНИСЕФ) — БМТнинг асосий жамғармаларидан бири. Узоқ вақт давом этган уруш натижасида катта қийинчиликларга дучор бўлган Европа болаларига ғамхўрлик кўрсатиш мақсадида 1946 й.да тузилган. 1953 й.дан БМТнинг доимий тузилмасига айланган. Ер юзида, айниқса ривожланаётган мамлакатлардаги болаларнинг соглом ва баркамол вояга етишига кумаклашиш унинг бош тамойилидир. Мазкур соҳадаги фаолияти учун 1965 й.да Нобель мукофоти б-н такдирланган.
Ўзбекистон мустақилликка эришгач, ЮНИСЕФга аъзо бўлди ва у б-н яқин ҳамкорлик ўрнатди. Жамғарма томонидан болаларни иммунизация қилиш, бошланғич мактаб ўқувчиларини озиқ-овқат ва ичимлик сув б-н таъминлаш, вакциналар етказиб бериш бўйича узоқ муддатли дастурлар, Оролбўйи аҳолисига ёрдам кўрсатиш юзасидан махсус дастур, «Орол денгизи: минтақавий ва экологик ёрдам лойиҳаси» ишлаб чиқилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.