Bobur milliy boği majmuasi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 430–431-b. — ziyouz.com
Bobur milliy boği majmuasi BOBUR MILLIY BOĞI MAJMUASI, «Boği Bobur» — Andijon ş.ning jan.şarqida — Buyuk ipak yöli yoqasi (Boğişamol) dagi adirda joylaşgan yodgorlik majmui (me'mori Muhammadjon Mirzayev). 300 ga maydonni egallagan. Özbekiston Respublikasi xalqaro Bobur jamğarmasi (rahbari Zokirjon Maşrabov) taşabbusi b-n 1991—92 y.lar barpo etilgan. Kobul ş.dagi «Boği Bobur»ga qiyosan qurilgan. Boqqa kiriş uçun şarqona uslubda qurilgan marmar darvozayölakdan köp poğonali zinalar orqali yuqoriga kötariladi. Birinçi supaçada Boburning ulkan haykali (haykaltaroş Qodirjon Salohiddinov) örnatilgan. Undan yuqoridagi supaçada «Bobur va jahon madaniyati» muzeyi qad kötargan. Uning moviy gumbazi içidagi va devoridagi bezakrasmlarni «Boburnoma» asari mazmunida mahalliy rassom Uluğbek Boltaboyev çizgan. Muzey körgazmalarida Bobur jamğarmasi turli mamlakatlarga bir neça bor uyuştirgan ekspeditsiya natijasida töplangan noyob tarixiy kitoblar, Bobur asarlarining qölyozma nusxalari, xususan «Xatti Boburiy»da Bobur öz qöli b-n köçirgan Qur'oni karim nusxalari, Bobur davri qurolaslahalari, saroy ahli kiyimlari, boburiy podşohlar zarb qildirgan tanga pullardan namunalar qöyilgan. Muzeyning ikki yonidan ötgan marmar zinali yöl yana ham yuqoriga, sönggi supaga kötariladi. Bu yerda Boburning ramziy qabrsağanasi (Kobuldagi Bobur qabri tuproğidan olib kelib qöyilgan) bor. Ramziy qabrdan yuqoriga ketgan yöl bolalar öyin maydonçalariga olib çiqadi. Pastdan istirohat boğining yuqorisiga osma yöl (2 km) ham ötkazilgan. Boğda hunarmandçilik buyumlari dökoni, şuningdek çoyxona, oşxona va b. dam oliş maskanlari bor. Alohida dam oliş joyida konsert köriş sahnasi, kuraş va b. musobaqalar ötkaziladigan maydon qurilgan. Boğda 20 xildan ortiq mevali (yonğoq, uzum, olma, anor, anjir, gilos va b.), 10 dan ortiq manzarali daraxtlar (arça, çinor, eman, çakanda, majnuntol, mirzaterak va b.) ekilgan. Boğ nihoyatda xuşmanzara, obod; Andijon ş. va atrofdagi aholining oromgoh va ziyoratgoh joyi. Bu yerda Navröz va Mustaqillik kunlari xalq sayillari bölib ötadi (89b.dagi rasmga q.).
Sobirjon Şokarimov.
Asl matn (kirill, PDF'dagidek)
БОБУР МИЛЛИЙ БОҒИ МАЖМУАСИ, «Боғи Бобур» — Андижон ш.нинг жан.шарқида — Буюк ипак йўли ёқаси (Боғишамол) даги адирда жойлашган ёдгорлик мажмуи (меъмори Муҳаммаджон Мирзаев). 300 га майдонни эгаллаган. Ўзбекистон Республикаси халқаро Бобур жамғармаси (раҳбари Зокиржон Машрабов) ташаббуси б-н 1991—92 й.лар барпо этилган. Кобул ш.даги «Боғи Бобур»га қиёсан қурилган. Боққа кириш учун шарқона услубда қурилган мармар дарвозайўлакдан кўп поғонали зиналар орқали юқорига кўтарилади. Биринчи супачада Бобурнинг улкан ҳайкали (ҳайкалтарош Қодиржон Салоҳиддинов) ўрнатилган. Ундан юқоридаги супачада «Бобур ва жаҳон маданияти» музейи қад кўтарган. Унинг мовий гумбази ичидаги ва деворидаги безакрасмларни «Бобурнома» асари мазмунида маҳаллий рассом Улуғбек Болтабоев чизган. Музей кўргазмаларида Бобур жамғармаси турли мамлакатларга бир неча бор уюштирган экспедиция натижасида тўпланган ноёб тарихий китоблар, Бобур асарларининг қўлёзма нусхалари, хусусан «Хатти Бобурий»да Бобур ўз қўли б-н кўчирган Қуръони карим нусхалари, Бобур даври қуроласлаҳалари, сарой аҳли кийимлари, бобурий подшоҳлар зарб қилдирган танга пуллардан намуналар қўйилган. Музейнинг икки ёнидан ўтган мармар зинали йўл яна ҳам юқорига, сўнгги супага кўтарилади. Бу ерда Бобурнинг рамзий қабрсағанаси (Кобулдаги Бобур қабри тупроғидан олиб келиб қўйилган) бор. Рамзий қабрдан юқорига кетган йўл болалар ўйин майдончаларига олиб чиқади. Пастдан истироҳат боғининг юқорисига осма йўл (2 км) ҳам ўтказилган. Боғда ҳунармандчилик буюмлари дўкони, шунингдек чойхона, ошхона ва б. дам олиш масканлари бор. Алоҳида дам олиш жойида концерт кўриш саҳнаси, кураш ва б. мусобақалар ўтказиладиган майдон қурилган. Боғда 20 хилдан ортиқ мевали (ёнғоқ, узум, олма, анор, анжир, гилос ва б.), 10 дан ортиқ манзарали дарахтлар (арча, чинор, эман, чаканда, мажнунтол, мирзатерак ва б.) экилган. Боғ ниҳоятда хушманзара, обод; Андижон ш. ва атрофдаги аҳолининг оромгоҳ ва зиёратгоҳ жойи. Бу ерда Наврўз ва Мустақиллик кунлари халқ сайиллари бўлиб ўтади (89б.даги расмга қ.).
Собиржон Шокаримов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.