Bogota
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 440–441-b. — ziyouz.com
Bogota BOGOTA, Santa-Fe-de-Bogota — Kolumbiya poytaxti. Şarqiy Kordilyera toğlarining ğarbiy yon bağridagi soylikda (2500 m) joylaşgan. Kundinamarka departamenti ma'murii markazi, alohida ma'murii birlik — poytaxt okrugini taşkil qiladi. Aholisi 6 mln.dan ortiq (1997, şahar atrofi b-n). Muhim transport yöllari tuguni. Xalqaro Eldorado aeroporti bor. Eng issiq oyning örtaça t-rasi 15°, eng sovuq oyniki — 14°. B.ga 1538 y.da ispanlar asos solgan. 1598 y.dan ispan generalkapitan ligining, 1739 y.dan Yangi Granada vitse-qirolligining poytaxti. 1819 y.da B. ispanlardan ozod qilindi va Yangi Kolumbiyaning poytaxtiga aylantirildi. 1831 y.dan Yangi Granadaning, 1863 y.dan Kolumbiya Respublikasining poytaxti.
B. mamlakatning iqtisodiy, siyosiy, madaniy va savdo markazi. Oziq-ovqat, töqimaçilik, poyabzal, tikuvçilik, elektrotexnika, poligrafiya, maşinasozlik, farmatsevtika, kimyo va b. sanoat korxonalari bor. B. yaqinida rezina şinalar va soda işlab çiqariladi, zumrad olinadi. Ispanlar mustamlakaçiligi davrida va undan keyin qurilgan bir neça me'moriy yodgorliklari saqlangan: Katta sobor (1823 y.da qurib bitkazilgan), SanFransisko sobori (1569—1622), Milliy kapitoliy binosi (1847—1926) va b. B.da. oliy öquv yurtlari, jumladan Kolumbiya milliy un-ti va b. untlar, Kolumbiya akademiyasi, Milliy muzey, Milliy arxeologiya va etn. muzeyi, mustamlaka davri san'ati muzeyi, Oltin muzeyi (indeyslarning qad. oltin buyumlari), Milliy kutubxona, astronomiya rasadxonasi bor.
Asl matn (kirill, PDF'dagidek)
БОГОТА, Санта-Фе-де-Богота — Колумбия пойтахти. Шарқий Кордильера тоғларининг ғарбий ён бағридаги сойликда (2500 м) жойлашган. Кундинамарка департаменти маъмурии маркази, алоҳида маъмурии бирлик — пойтахт округини ташкил қилади. Аҳолиси 6 млн.дан ортиқ (1997, шаҳар атрофи б-н). Муҳим транспорт йўллари тугуни. Халқаро Эльдорадо аэропорти бор. Энг иссиқ ойнинг ўртача т-раси 15°, энг совуқ ойники — 14°. Б.га 1538 й.да испанлар асос солган. 1598 й.дан испан генералкапитан лигининг, 1739 й.дан Янги Гранада вице-қироллигининг пойтахти. 1819 й.да Б. испанлардан озод қилинди ва Янги Колумбиянинг пойтахтига айлантирилди. 1831 й.дан Янги Гранаданинг, 1863 й.дан Колумбия Республикасининг пойтахти.
Б. мамлакатнинг иқтисодий, сиёсий, маданий ва савдо маркази. Озиқ-овқат, тўқимачилик, пойабзал, тикувчилик, электротехника, полиграфия, машинасозлик, фармацевтика, кимё ва б. саноат корхоналари бор. Б. яқинида резина шиналар ва сода ишлаб чиқарилади, зумрад олинади. Испанлар мустамлакачилиги даврида ва ундан кейин қурилган бир неча меъморий ёдгорликлари сақланган: Катта собор (1823 й.да қуриб битказилган), СанФрансиско собори (1569—1622), Миллий капитолий биноси (1847—1926) ва б. Б.да. олий ўқув юртлари, жумладан Колумбия миллий ун-ти ва б. унтлар, Колумбия академияси, Миллий музей, Миллий археология ва этн. музейи, мустамлака даври санъати музейи, Олтин музейи (индейсларнинг қад. олтин буюмлари), Миллий кутубхона, астрономия расадхонаси бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.