Bolalar boğçasi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 488–489-b. — ziyouz.com
Bolalar boğçasi — maktab yoşigaça bölgan bolalarni tarbiyalovçi muassasa. Birinçi marta 1837 y. Germaniyada nemis pedagogi F. Frebel tomonidan taşkil etilgan. B. b. xalq ta'limi tizimining dastlabki böğini hisoblanadi (q. Maktabgaça yoşdagi bolalar tarbiyasi). Özbekistonda odatdagi B. b. 3—7 yoşli bolalarga möljallangan. 2 oylikdan 7 yoşgaça bölgan bolalar tarbiyalanadigan yasliboğçalar ham bor. Bundan taşqari soğlomlaştiriş boğçalari, jismoniy va aqliy nuqsonli bolalar uçun boğçalar, uyboğça, mavsumiy boğçalar (asosan q. x. işlari köpaygan vaqtda taşkil etiladi), «bolalar boğçasimaktab» majmui ham mavjud. B. b. hokimiyatning ijroiya organlari tomonidan tuman, şahar, muassasa, korxona, xöjalikda taşkil etiladi. B. b. qaysi taşkilot qaramoğida bölişidan qat'i nazar ÖzR Xalq ta'limi vazirligi uni kadrlar b-n ta'minlaydi va faoliyatiga ilmiypedagogik jihatdan rahbarlik qiladi. Özbekistondagi boğçalarda bolalarga çet tillari, xoreografiya, tasviriy va musiqa san'ati, kompyuter savodxonligi asoslarini örgatuvçi 800 dan ortiq guruh taşkil etilgan. 2000 y. ÖzRda 6742 B. b. işladi, ularda 608 ming 500 bola tarbiyalandi.
Asl matn (kirill, PDF'dagidek)
БОЛАЛАР БОҒЧАСИ — мактаб ёшигача бўлган болаларни тарбияловчи муассаса. Биринчи марта 1837 й. Германияда немис педагоги Ф. Фребель томонидан ташкил этилган. Б. б. халқ таълими тизимининг дастлабки бўғини ҳисобланади (қ. Мактабгача ёшдаги болалар тарбияси). Ўзбекистонда одатдаги Б. б. 3—7 ёшли болаларга мўлжалланган. 2 ойликдан 7 ёшгача бўлган болалар тарбияланадиган яслибоғчалар ҳам бор. Бундан ташқари соғломлаштириш боғчалари, жисмоний ва ақлий нуқсонли болалар учун боғчалар, уйбоғча, мавсумий боғчалар (асосан қ. х. ишлари кўпайган вақтда ташкил этилади), «болалар боғчасимактаб» мажмуи ҳам мавжуд. Б. б. ҳокимиятнинг ижроия органлари томонидан туман, шаҳар, муассаса, корхона, хўжаликда ташкил этилади. Б. б. қайси ташкилот қарамоғида бўлишидан қатъи назар ЎзР Халқ таълими вазирлиги уни кадрлар б-н таъминлайди ва фаолиятига илмийпедагогик жиҳатдан раҳбарлик қилади. Ўзбекистондаги боғчаларда болаларга чет тиллари, хореография, тасвирий ва мусиқа санъати, компьютер саводхонлиги асосларини ўргатувчи 800 дан ортиқ гуруҳ ташкил этилган. 2000 й. ЎзРда 6742 Б. б. ишлади, уларда 608 минг 500 бола тарбияланди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.