Bolonya
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 514–515-b. — ziyouz.com
Bolonya — Şim. Italiyadagi şahar, Emiliya-Romanya viloyati va Bolonya provinsiyasining ma'muriy markazi. Şim. Apennin toğlari etagida, Reno daryosi böyida, Po daryosi b-n kanal orqali boğlangan. Aholisi 404 ming kişi (1995). Mamlakatning muhim iqtisodiy va madaniy markazi. Yirik transport yöllari tuguni. Q.x. mahsulotlarini qayta işlaydigan, oziq-ovqat, priborsozlik, traktorsozlik, poligrafiya, elektrotexnika, qora metallurgiya sanoati rivojlangan. Gidroturbina, t.y. uskunalari, oziq-ovqat va kimyo sanoatlari uçun maşinalar, öğit, keramika va poyabzal işlab çiqaradigan korxonalar bor. Yevropadagi eng qad. unt (11-a.), muhandis, veterinariya, savdo intlari, Badiiy akademiya va badiiy litseylar, muzeylar mavjud. Şahar mil. av. 6-a. oxirlarida etrusklarning yirik şahri sifatida taşkil topgan. Örta asrlarda özining huquq maktablari b-n nom çiqargan. 1861 y.dan Italiya qirolligi tarkibida. B. markazida me'moriy yodgorliklarga boy Viktor Emmanuil maydoni bor: SanStefano roman çerkovi majmuasi (11—13-a.lar), uyminoralar (11—12- a.lar), gotika palatssosi (13— 15-a. lar), SanPetronio çerkovi (14— 17-a. lar), barokko va renessans uslubidagi haşamatli saroylar (15-a.) va b.
Asl matn (kirill, PDF'dagidek)
БОЛОНЬЯ — Шим. Италиядаги шаҳар, Эмилия-Романья вилояти ва Болонья провинциясининг маъмурий маркази. Шим. Апеннин тоғлари этагида, Рено дарёси бўйида, По дарёси б-н канал орқали боғланган. Аҳолиси 404 минг киши (1995). Мамлакатнинг муҳим иқтисодий ва маданий маркази. Йирик транспорт йўллари тугуни. Қ.х. маҳсулотларини қайта ишлайдиган, озиқ-овқат, приборсозлик, тракторсозлик, полиграфия, электротехника, қора металлургия саноати ривожланган. Гидротурбина, т.й. ускуналари, озиқ-овқат ва кимё саноатлари учун машиналар, ўғит, керамика ва пойабзал ишлаб чиқарадиган корхоналар бор. Европадаги энг қад. унт (11-а.), муҳандис, ветеринария, савдо интлари, Бадиий академия ва бадиий лицейлар, музейлар мавжуд. Шаҳар мил. ав. 6-а. охирларида этрускларнинг йирик шаҳри сифатида ташкил топган. Ўрта асрларда ўзининг ҳуқуқ мактаблари б-н ном чиқарган. 1861 й.дан Италия қироллиги таркибида. Б. марказида меъморий ёдгорликларга бой Виктор Эммануил майдони бор: СанСтефано роман черкови мажмуаси (11—13-а.лар), уйминоралар (11—12- а.лар), готика палаццоси (13— 15-а. лар), СанПетронио черкови (14— 17-а. лар), барокко ва ренессанс услубидаги ҳашаматли саройлар (15-а.) ва б.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.