Boltaboy Rajabov
Manba: ÖzME, 7-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 46–47-b. — ziyouz.com
Rajabov Boltaboy (1878.20.2, Marğilon yaqinidagi Şakar qişloği — 1960.17.3, Marğilon) — Özbekiston xalq hofizi (1939). Tiniq va mayin ovoz sohibi. Aşula yöllarini dastlab bobosi Matxoliq hofiz, otasi Rajabboy, toğasi Maksud hofizlardan, keyinçalik Hamroqul qori, Turğun sariq, Xolqora ota, Abu Baxriddin kabi ustoz san'atkorlardan örgangan. 1920—30 y.larda Farğona vodiysida katta aşula ijroçisi sifatida tanilib, mazkur janr rivojiga katta hissa qöşgan va talqinçilik maktabini yaratgan. Farğona, Andijon, Namangan, Qöqon şaharlari va tumanlarida, Katta Farğona kanali (1939) va b. qurilişlarda madaniy xizmat qilgan. Repertuaridagi 150 dan ziyod xalq qöşiq, yalla va aşulalari, ayniqsa, aşulalar («Kelibman», «Ey sanam», «Xayrul başar», «Judo qilma», «Şoyad», «Oh kim», «Böston», «Bu gulşan») ta'sirçan ohangda, jozibali yangragan. Mamatbuva hofiz, J. Sultonov, M. Uzoqov kabi hofizlarga ustozlik qilgan.
Asl matn (kirill, PDF'dagidek)
РАЖАБОВ Болтабой (1878.20.2, Марғилон яқинидаги Шакар қишлоғи — 1960.17.3, Марғилон) — Ўзбекистон халқ ҳофизи (1939). Тиниқ ва майин овоз соҳиби. Ашула йўлларини дастлаб бобоси Матхолиқ ҳофиз, отаси Ражаббой, тоғаси Максуд ҳофизлардан, кейинчалик Ҳамроқул қори, Турғун сариқ, Холқора ота, Абу Бахриддин каби устоз санъаткорлардан ўрганган. 1920—30 й.ларда Фарғона водийсида катта ашула ижрочиси сифатида танилиб, мазкур жанр ривожига катта ҳисса қўшган ва талқинчилик мактабини яратган. Фарғона, Андижон, Наманган, Қўқон шаҳарлари ва туманларида, Катта Фарғона канали (1939) ва б. қурилишларда маданий хизмат қилган. Репертуаридаги 150 дан зиёд халқ қўшиқ, ялла ва ашулалари, айниқса, ашулалар («Келибман», «Эй санам», «Хайрул башар», «Жудо қилма», «Шояд», «Оҳ ким», «Бўстон», «Бу гулшан») таъсирчан оҳангда, жозибали янграган. Маматбува ҳофиз, Ж. Султонов, М. Узоқов каби ҳофизларга устозлик қилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.