Bonkimçondro Çottopaddhaya
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 154-b. — ziyouz.com
Çottopaddhaya Bonkimçondro (1838.26.6, Kantalpara, Kalkutta yaqinida — 1894.8.4, Kalkutta) — hind yozuvçisi va şoiri. Bengal tilida ijod etgan. Bengal adabiyotida tarixiy roman janrining asosçisi. Asarlarida vatanparvarlik va hind xalqining milliy ozodlik uçun kuraşi bobidagi yetuk ğoyalar aks etgan. Ç.ning «Seni olqişlayman, Vatan!» şe'ri hind xalkining 1905—47 y.lar mobaynidagi milliy ozodlik kuraşining gimni bölib kelgan. «Çondroşekhar» (1873), «Baxt makoni» (1882), «Raj Singh» (1893) romanlari mustaqillik uçun kuraş hissiyotlari bilan suğorilgan. Ijtimoiy muammolar, jumladan, jamiyatda ayollar huquqini çeklanganligi muammosi «Zaharlangan daraxt» (1872), «Krişnokanto vasiyati» (1875) kabi romanlarida aks ettirilgan. Ç. ma'rifatparvar, publitsist va «Bongodorşon» jur.ning boş muharriri sifatidagi faoliyati bilan Bengaliyaning madaniy hayotida alohida örin tutib kelgan. Ç.ning bir qança tarixiy, adabiy, ijtimoiy va ilmiyfalsafiy maqolalari, satirik hikoyalar töplamlari ham bor.
Asl matn (kirill, PDF'dagidek)
ЧОТТОПАДДҲАЯ Бонкимчондро (1838.26.6, Канталпара, Калькутта яқинида — 1894.8.4, Калькутта) — ҳинд ёзувчиси ва шоири. Бенгал тилида ижод этган. Бенгал адабиётида тарихий роман жанрининг асосчиси. Асарларида ватанпарварлик ва ҳинд халқининг миллий озодлик учун кураши бобидаги етук ғоялар акс этган. Ч.нинг «Сени олқишлайман, Ватан!» шеъри ҳинд халкининг 1905—47 й.лар мобайнидаги миллий озодлик курашининг гимни бўлиб келган. «Чондрошекҳар» (1873), «Бахт макони» (1882), «Раж Сингҳ» (1893) романлари мустақиллик учун кураш ҳиссиётлари билан суғорилган. Ижтимоий муаммолар, жумладан, жамиятда аёллар ҳуқуқини чекланганлиги муаммоси «Заҳарланган дарахт» (1872), «Кришноканто васияти» (1875) каби романларида акс эттирилган. Ч. маърифатпарвар, публицист ва «Бонгодоршон» жур.нинг бош муҳаррири сифатидаги фаолияти билан Бенгалиянинг маданий ҳаётида алоҳида ўрин тутиб келган. Ч.нинг бир қанча тарихий, адабий, ижтимоий ва илмийфалсафий мақолалари, сатирик ҳикоялар тўпламлари ҳам бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.