Boreopatsifik oblast

Boreopatsifik oblast — dunyo okeanining zoogeografiya oblasti, Tinç okeanining şim. qismi va okean dengizlari şim. da Bering böğozidan boşlab jan. ga taxm. 40° şim. kenglikkaça bölgan qismini egallagan. Harorat Arktikaga nisbatan ança yuqori, yil davomida keng miqyosda özgarib turadi. Qişda suv akvatoriyasining ança qismida suzib yuruvçi muzlar hosil böladi. Yozda suv yuzasi b-n suv tubi harorati ança katta farq qiladi. B.P. o. da sut emizuvçilardan kalan, ya'ni dengiz suvsari, kulrang kit, seld kiti, şim. tişli kiti, Tinç okean qisqaboş delfini, Oq dengiz çöçqasi; quşlardan har xil çistiksimonlar, kiçik konyuga, baliqçi quşlar (moyevka, qoradum baliqçi), közoynakli çistik, nayburunlilar (kök kaçurka) va b. uçraydi. Deyarli barça keltirilgan quşlar endemik hisoblanadi. Baliklardan Tinç okeani losossimonlari: keta, bukri baliq, nerpa, çaviça kabi endemik turlar; Tinç okeani seldi, ivasi sardinasi, kambalalarning bir neça turi (oq qorin, paltussimon, öqyoy tişli paltus va b.) tarqalgan. B.P. o. da qisqiçbaqasimonlar orasida endemik turlari ham köp (mas, Kamçatka krabi). Biomassa mikdori va turlari soni jihatidan ikki pallali mollyuskalar, ninaterililar, köptuklilar va ğovak tanlilar ança boy. Arktikadan bu oblastga kitsimonlilarning ayrim turlari, bu oblastdan Arktikaga çistiksimon quşlarning ayrim turlari ötib turadi. Moyevka baliqçisi, UzoqŞarq navagasi har ikkala oblastda ham keng tarkalgan. Oblastning jan. qismida Tinç okeani tropik mintaqasi uçun xos bölgan turlar uçraydi. B. P. o. dagi köpgina hududlarning sohil böyida qadimdan baliqlar va b. dengiz hayvonlari, Uzoq Şarq seldi, losossimonlar, kambalalar, quloqli tyulenlar, kitlar va kalanlarning bir neça turi ovlab kelingan. Bu hol ilgari bu yerlarda keng tarqalgan turlar sonining qisqarib ketişiga olib keldi. Hozir B.P. o. da kamayib borayotgan hayvonlarni saqlab qoliş va köpaytiriş maqsadida xalqaro va regional çoratadbirlar işlab çiqildi.