Boştuzi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 587–588-b. — ziyouz.com
Boştuzi — boşga taqiladigan ziynat buyumi, Xorazmdagina saqlanib qolgan taqinçoq. Kelinlar yakka holda peşonaga va juft holda çakkalariga taqqan. B. şakli asosiga uçburçak joylaşgan va uning asosidan yuqoriga tomon uçi dumaloq şaklda yakunlanuvçi öqustun çiqarilgan, uçburçak burçaklaridan börtma, öqustundan yon tomonlariga 3 juft şoxçalar çiqarilgan, har bir börtma va şoxçalarga, şuningdek uçburçak asosiga bargakli şokilalar osilgan. Uçburçak markaziga yirik va börtmalarga kiçik hajmli, atrofi feruza közlar halqasi b-n öralgan tekis doiraga esa rangli şişa közlar örnatilgan. Tadrijiy rivojlanişida zarduştiylik ma'budasi Anaxita obrazi b-n ramziy ma'noga ega bölgan «hayot daraxti» mavzulari uyğunlaşib ketgan yagona an'anaviy şakldagi taqinçoq.
Asl matn (kirill, PDF'dagidek)
БОШТУЗИ — бошга тақиладиган зийнат буюми, Хоразмдагина сақланиб қолган тақинчоқ. Келинлар якка ҳолда пешонага ва жуфт ҳолда чаккаларига таққан. Б. шакли асосига учбурчак жойлашган ва унинг асосидан юқорига томон учи думалоқ шаклда якунланувчи ўқустун чиқарилган, учбурчак бурчакларидан бўртма, ўқустундан ён томонларига 3 жуфт шохчалар чиқарилган, ҳар бир бўртма ва шохчаларга, шунингдек учбурчак асосига баргакли шокилалар осилган. Учбурчак марказига йирик ва бўртмаларга кичик ҳажмли, атрофи феруза кўзлар ҳалқаси б-н ўралган текис доирага эса рангли шиша кўзлар ўрнатилган. Тадрижий ривожланишида зардуштийлик маъбудаси Анахита образи б-н рамзий маънога эга бўлган «ҳаёт дарахти» мавзулари уйғунлашиб кетган ягона анъанавий шаклдаги тақинчоқ.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.