«Böston» sanatoriysi
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 866-b. — ziyouz.com
«Böston» sanatoriysi — balneologik kurort. Toşkent ş.dan 30 km uzoqlikda, Çirçiq ş.da, dengiz sathidan 550 m balandlikda joylaşgan. Mayd. 37,5 ga. Şundan 16 ga mevali boğ va manzarali daraxtzorlardan iborat. Iqlimi kontinental: qişi yumşoq, yozi issiq, yanv.ning örtaça t-rasi —1,5°, iyulniki 25°, nisbiy namligi 55%, quyoşli kunlar davomliligi yiliga 2700 soat. Davolaş maqsadida kam minerallaşgan termal (42°), sulfatkalsiy natriyli kuçsiz işqorli azotli suv vannalar va içiş uçun, Jizzax viloyati Zomin tumani «Baliqli köl»dan olib kelinadigan balçiqdan galvanik balçiq, parafin va ozokerit körinişida foydalaniladi. Bundan taşqari, fizioterapiya, massaj, iqlim b-n davolaş usullari ham qöllaniladi. Sanatoriyda qon aylaniş a'zolari, nerv sistemasi, ginekologik va urologik kasalliklari bor kişilar davolanadi. 400 öringa möljallangan yotoq korpuslari (bir va ikki örinli), klub, kutubxona, sauna, fitobar mavjud.
Asl matn (kirill, PDF'dagidek)
«БЎСТОН» САНАТОРИЙСИ — бальнеологик курорт. Тошкент ш.дан 30 км узоқликда, Чирчиқ ш.да, денгиз сатҳидан 550 м баландликда жойлашган. Майд. 37,5 га. Шундан 16 га мевали боғ ва манзарали дарахтзорлардан иборат. Иқлими континентал: қиши юмшоқ, ёзи иссиқ, янв.нинг ўртача т-раси —1,5°, июлники 25°, нисбий намлиги 55%, қуёшли кунлар давомлилиги йилига 2700 соат. Даволаш мақсадида кам минераллашган термал (42°), сульфаткальций натрийли кучсиз ишқорли азотли сув ванналар ва ичиш учун, Жиззах вилояти Зомин тумани «Балиқли кўл»дан олиб келинадиган балчиқдан гальваник балчиқ, парафин ва озокерит кўринишида фойдаланилади. Бундан ташқари, физиотерапия, массаж, иқлим б-н даволаш усуллари ҳам қўлланилади. Санаторийда қон айланиш аъзолари, нерв системаси, гинекологик ва урологик касалликлари бор кишилар даволанади. 400 ўринга мўлжалланган ётоқ корпуслари (бир ва икки ўринли), клуб, кутубхона, сауна, фитобар мавжуд.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.