Boyovut
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 447-b. — ziyouz.com
Boyovut (1961—91 y.larda Dmitrove) — Sirdaryo viloyatidagi şaharça, Boyovut tumanining markazi. Aholisi 13,8 ming kişidan ziyod (2000), asosan özbeklar; şuningdek tojik, rus, tatar va b. millat vakillari ham yaşaydi. Eng yaqin t.y. stansiyasi Farhodgaça 11 km.
B. 1950 y.largaça oddiy qişloq bölgan. Öşa davrda Mirzaçölni özlaştiriş harakati boşlanişi b-n uzoqyaqindan köçib kelganlar va quruvçilar hisobiga kengaydi. «Boyovut» atamasi qabila va joy nomi sifatida Abulğoziy Bahodirxonning «Şajarayi turk» va «Şajarayi tarokima» asarlarida «boyötti», «boyovul», «boyötluq» şakllarida uçraydi.
B.da paxta tozalaş z-di, don va un kombinati, MTP, quriliş taşkilotlari, avtokorxona, tuman taşkilotlari idoralari va dehqon bozori bor. Şaharça hududidan ötgan Jan. Mirzaçöl kanalining öng sohilida «Motamsaro ona» yodgorligi örnatilgan. Mirzaçölni özlaştiriş tarixi muzeyi, kutubxona, internat maktabi, kasbhunar litseyi, umumiy ta'lim maktablari, madaniyat va istirohat boği va b. bor.
Asl matn (kirill, PDF'dagidek)
БОЁВУТ (1961—91 й.ларда Дмитрове) — Сирдарё вилоятидаги шаҳарча, Боёвут туманининг маркази. Аҳолиси 13,8 минг кишидан зиёд (2000), асосан ўзбеклар; шунингдек тожик, рус, татар ва б. миллат вакиллари ҳам яшайди. Энг яқин т.й. станцияси Фарҳодгача 11 км.
Б. 1950 й.ларгача оддий қишлоқ бўлган. Ўша даврда Мирзачўлни ўзлаштириш ҳаракати бошланиши б-н узоқяқиндан кўчиб келганлар ва қурувчилар ҳисобига кенгайди. «Боёвут» атамаси қабила ва жой номи сифатида Абулғозий Баҳодирхоннинг «Шажарайи турк» ва «Шажарайи тарокима» асарларида «бойўтти», «бойовул», «бойўтлуқ» шаклларида учрайди.
Б.да пахта тозалаш з-ди, дон ва ун комбинати, МТП, қурилиш ташкилотлари, автокорхона, туман ташкилотлари идоралари ва деҳқон бозори бор. Шаҳарча ҳудудидан ўтган Жан. Мирзачўл каналининг ўнг соҳилида «Мотамсаро она» ёдгорлиги ўрнатилган. Мирзачўлни ўзлаштириш тарихи музейи, кутубхона, интернат мактаби, касбҳунар лицейи, умумий таълим мактаблари, маданият ва истироҳат боғи ва б. бор.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.