Bozorqörğon suv ombori
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 466–467-b. — ziyouz.com
Bozorqörğon suv ombori — Qirğiziston Respublikasi Öş viloyati Bozorqörğon tumani çegarasida joylaşgan. Omborga suv Qoraungur daryosidan çiqarilgan kanal orqali oqib keladi. 1959 y.da işga tuşirilgan. Foydali suv siğimi 20,0 mln. m3, umumiy siğimi 22,5 mln. m3. Suv ombori yuzasi 2,67 km2. B. s. o. suvi b-n 14,5 ming ga yer suğoriladi. BOZUBAND, bozband, bozvant — ziynat buyumi, ayollar taqinçoği. Böyin yoki qöltiqqa osib yuriladi. Şakli: ikki uçi qubba b-n yakunlangan nayçasimon yoki bir-biriga tegib ketmasligi uçun ingiçka jiyak b-n birlaştiriladigan ikkita (biri quti, ikkinçisi qopqoq) törtburçak yoki uçburçak yupqa oltin yoki kumuş plastinkadan yasalgan qutiça; ikki çeti (uçburçak bölsa, ustki burçi) ga zanjir (2 — 5 qator), pastiga kalta sim panjara bezak yoki şokilalar örnatiladi; suqma — mix bölakça yordamida oçib yopiladi. B. yuzasi bosma, şabaka (panjara), sovotkori, simkori usulida nafis bezatiladi, qimmatbaho toşlar, rangdor şişa, marjonlar qadab naqşlanadi, bezak mujassamotiga yozuvlar kiritiladi. B. öta mehnattalab, haşamdor va nozik buyum bölganligi uçun ğoyat qadrlangan, hatto qizlarning kelinlik sepiga ham kiritilgan. Toşkent, Andijon, Qöqon, Samarqand, Buxoro, Xiva kabi yirik şaharlarda tayyorlangan, çet mamlakatlarga ham çiqarilgan. U tumor deb ham yuritiladi. 20-a.da urfdan qolgan. Hozir özbek raqqosalarining milliy kiyimlari tarkibiga kirgan.
Asl matn (kirill, PDF'dagidek)
БОЗОРҚЎРҒОН СУВ ОМБОРИ — Қирғизистон Республикаси Ўш вилояти Бозорқўрғон тумани чегарасида жойлашган. Омборга сув Қораунгур дарёсидан чиқарилган канал орқали оқиб келади. 1959 й.да ишга туширилган. Фойдали сув сиғими 20,0 млн. м3, умумий сиғими 22,5 млн. м3. Сув омбори юзаси 2,67 км2. Б. с. о. суви б-н 14,5 минг га ер суғорилади. БОЗУБАНД, бозбанд, бозвант — зийнат буюми, аёллар тақинчоғи. Бўйин ёки қўлтиққа осиб юрилади. Шакли: икки учи қубба б-н якунланган найчасимон ёки бир-бирига тегиб кетмаслиги учун ингичка жияк б-н бирлаштириладиган иккита (бири қути, иккинчиси қопқоқ) тўртбурчак ёки учбурчак юпқа олтин ёки кумуш пластинкадан ясалган қутича; икки чети (учбурчак бўлса, устки бурчи) га занжир (2 — 5 қатор), пастига калта сим панжара безак ёки шокилалар ўрнатилади; суқма — мих бўлакча ёрдамида очиб ёпилади. Б. юзаси босма, шабака (панжара), совоткори, симкори усулида нафис безатилади, қимматбаҳо тошлар, рангдор шиша, маржонлар қадаб нақшланади, безак мужассамотига ёзувлар киритилади. Б. ўта меҳнатталаб, ҳашамдор ва нозик буюм бўлганлиги учун ғоят қадрланган, ҳатто қизларнинг келинлик сепига ҳам киритилган. Тошкент, Андижон, Қўқон, Самарқанд, Бухоро, Хива каби йирик шаҳарларда тайёрланган, чет мамлакатларга ҳам чиқарилган. У тумор деб ҳам юритилади. 20-а.да урфдан қолган. Ҳозир ўзбек раққосаларининг миллий кийимлари таркибига кирган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.