Bronxoadenit
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 654–655-b. — ziyouz.com
Bronxoadenit (bronx va yun. Aden — bez) — bronxlar (traxeya atrofida, köks oraliğining orqa va oldida joylaşgan) limfa tugunlarining yalliğlanişi. Köproq sil kasalligida, zotiljam, bronxit, bronxopnevmoniya, nafas yöllarining yalliğlanişi b-n keçadigan kökyötaya, qizamiq va b.da uçraydi. B.da kuraklararo böşliq oğriydi, bemorni asosan oğriqli yötal bezovta qiladi. Limfa bezlari kattalaşadi. Sil B.ida limfa tugunlari kattalaşib, uning töqimasi ham nobud böladi va suzmasimon yiringga aylanadi. Boşqa kasalliklarda bemor asosiy kasallikdan tuzalişi b-n limfa tugunlari deyarli asliga qaytadi. B.ni asosan rentgen qilib (rentgenoskopiya, rentgenografiya, flyuorografiya) aniqlanadi. Sil B. i b-n oğrigan bemor maxsus sil kasalxonalarida davolanadi. Organizmning umumiy quvvatini oşiruvçi dorilar, silga qarşi davo buyuriladi.
Asl matn (kirill, PDF'dagidek)
БРОНХОАДЕНИТ (бронх ва юн. Aden — без) — бронхлар (трахея атрофида, кўкс оралиғининг орқа ва олдида жойлашган) лимфа тугунларининг яллиғланиши. Кўпроқ сил касаллигида, зотилжам, бронхит, бронхопневмония, нафас йўлларининг яллиғланиши б-н кечадиган кўкйўтая, қизамиқ ва б.да учрайди. Б.да кураклараро бўшлиқ оғрийди, беморни асосан оғриқли йўтал безовта қилади. Лимфа безлари катталашади. Сил Б.ида лимфа тугунлари катталашиб, унинг тўқимаси ҳам нобуд бўлади ва сузмасимон йирингга айланади. Бошқа касалликларда бемор асосий касалликдан тузалиши б-н лимфа тугунлари деярли аслига қайтади. Б.ни асосан рентген қилиб (рентгеноскопия, рентгенография, флюорография) аниқланади. Сил Б. и б-н оғриган бемор махсус сил касалхоналарида даволанади. Организмнинг умумий қувватини оширувчи дорилар, силга қарши даво буюрилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.