Bronxoskopiya

Bronxoskopiya (bronx va yun. Skopeo — köraman, tekşiraman) — hiqildoq (traxeya) va bronxlarning içki yuzasini maxsus asbob — bronxoskop yordamida bevosita körib tekşiriş usuli. Bu asbob bir uçida optik va yoritgiç sistemasi bölgan metall nayçadan iborat. B. qilinganda nayça oğizdan tomoqorqali (yuqori B.) yoki hiqildoqni kesib bronxlarga kirgiziladi (quyi B.) Hozir Yaponiyaning «Olympus» hamda Germaniyaning «Fujinon» (Fujinon), «KarlŞtors» (KarlZtorz) firmalarida işlab çiqarilgan bronxoskoplar mavjud. Ular obyektni suratga oliş, unga dori moddalari yuboriş hamda bronx yölidan yot jismlarni, şuningdek undagi ösmalarni oliş, kuydiriş moslamalariga ega. Ularning eng zamonaviysi elektron videoendoskop va skanner b-n birga endoskopiya qiladigan apparatdir; bu apparatlar b-n B. qilinganda teleekranda rangli tasvir hosil bölib, atrofdagi töqimalarni ultratovuş tekşiruv ma'lumotlari ham ekranda körinadi. B. kasallikni aniqpaş hamda davolaş maqsadida qöllaniladi. B qilişdan oldin bemorning umumiy ahvoli, kasallik holati obdan tekşiriladi. Şu bois davo B.si bir neça bosqiçda olib boriladi. B. zaruriyati tuğilganda vraç ruxsati b-n qilinadi.