Bualo
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 666-b. — ziyouz.com
Bualo BUALO, BualoDepreo (BoileauDespreaux) Nikola (1636.1.11— Parij—1711.13.3) — fransuz şoiri, tanqidçi, klassitsizm nazariyotçisi. Sorbonna untida öqigan. 1660—66 y.larda yozilgan ilk satiralari (9 satira) axloqiy, maişiy va adabiy mavzuga bağişlangan. «Oda haqida mulohazalar» (1693) va «Ritor Longinning ba'zi joylari xususida tanqidiy mulohazalar» (1694) asarlari «qad. va yangi adiblar örtasidagi bahs»ga bağişlangan. Ularda B. antik mavzu va antik şoirlar ijodining afzalliklarini isbotlaşga uringan. Klassitsizm estetikasining asosiy qoidalari bayon qilingan «Şe'riy san'at» (1674) didaktik poemasi antik davr adabiyoti asarlariga tatabbu tarzida yozilgan, Aristotelning «Poetika»si va Goratsiyning «Şe'riyat ilmi»ni özida umumlaştirgan. B. uz asarlarida oddiy xalq turmuşini aks ettirgan. Molyerni «qöpollik va töporilik»da ayblaydi, Rassinni esa yuqori tabaqaga mansub bölgan oliy va yuksak didning ta'rifçisi sifatida uluğlaydi. B. şoirlarni saroy doirasidagi kişilar didiga moye asar yozişga çaqiradi, u absolyutizm ğoyalarining maddohi sifatida adabiyot tarixidan örin oldi. Ijodi 17—18-a.lar Yevropa adabiyotiga ta'sir etgan. «Şe'riy san'at» asari Jamol Kamol tomonidan özbek tiliga tarjima qilingan (1978). Ad.: Qayumov O., Çet el adabiyoti tarixi, T., 1973.
Asl matn (kirill, PDF'dagidek)
БУАЛО, БуалоДепрео (BoileauDespreaux) Никола (1636.1.11— Париж—1711.13.3) — француз шоири, танқидчи, классицизм назариётчиси. Сорбонна унтида ўқиган. 1660—66 й.ларда ёзилган илк сатиралари (9 сатира) ахлоқий, маиший ва адабий мавзуга бағишланган. «Ода ҳақида мулоҳазалар» (1693) ва «Ритор Лонгиннинг баъзи жойлари хусусида танқидий мулоҳазалар» (1694) асарлари «қад. ва янги адиблар ўртасидаги баҳс»га бағишланган. Уларда Б. антик мавзу ва антик шоирлар ижодининг афзалликларини исботлашга уринган. Классицизм эстетикасининг асосий қоидалари баён қилинган «Шеърий санъат» (1674) дидактик поэмаси антик давр адабиёти асарларига татаббу тарзида ёзилган, Аристотелнинг «Поэтика»си ва Горацийнинг «Шеърият илми»ни ўзида умумлаштирган. Б. уз асарларида оддий халқ турмушини акс эттирган. Мольерни «қўполлик ва тўпорилик»да айблайди, Рассинни эса юқори табақага мансуб бўлган олий ва юксак диднинг таърифчиси сифатида улуғлайди. Б. шоирларни сарой доирасидаги кишилар дидига мое асар ёзишга чақиради, у абсолютизм ғояларининг маддоҳи сифатида адабиёт тарихидан ўрин олди. Ижоди 17—18-а.лар Европа адабиётига таъсир этган. «Шеърий санъат» асари Жамол Камол томонидан ўзбек тилига таржима қилинган (1978). Ад.: Қаюмов О., Чет эл адабиёти тарихи, Т., 1973.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.