Bulbul
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 687-b. — ziyouz.com
Bulbul (taxallusi; asl nomi Murtaza Meşadi Rizo öğli Mamedov) (1897.12.6, Şuşa tumani Xonboği qişloği — 1961.26.9, Boku) — ozarbayjon xonandasi (lirikdramatik tenor) va musiqaşunosfolklorşunos, ozarbayjon musiqali teatri asosçilaridan. Dastlab xalq xonandasi sifatida tanilgan. 1920 y.dan Ozarbayjon musiqali teatrlarining yetakçi artisti. Boku konservatoriyasida (1927), Italiya (Milan, «La skala», 1931)da ta'lim olgan. 1932 y.dan Boku konservatoriyasining öqituvçisi, 1940 y.dan prof. Ozarbayjon i.t. musiqa kabineti taşkilotçisi va rahbari (1932—44). Folklor ekspeditsiyani boşqarib, 200 dan ortiq xalq qöşiğini yiqqan. B. 40 yillik ijroçilik faoliyati mobaynida asl ozarbayjonça milliy kuylaş uslublarini Yevropa xonandalik san'ati b-n uzviy boğlaşga muyassar bölgan. Majnun (U. Hojibekov, «Layli va Majnun»), Gersog (J. Verdi, «Rigoletto»), Ğarib (R. Glier, «Şohsanam»), Aliyor (M. Mağomayev, «Nargiz») kabi yorqin obrazlar yaratgan. Eng maşhur roli Ravşan (U. Hojibekov, «Kör öğli»)ni 400 marta ijro etgan. Özbekistonga bir neça marta kelib, öz san'atini namoyiş qilgan.
Asl matn (kirill, PDF'dagidek)
БУЛБУЛ (тахаллуси; асл номи Муртаза Мешади Ризо ўғли Мамедов) (1897.12.6, Шуша тумани Хонбоғи қишлоғи — 1961.26.9, Боку) — озарбайжон хонандаси (лирикдраматик тенор) ва мусиқашуносфольклоршунос, озарбайжон мусиқали театри асосчиларидан. Дастлаб халқ хонандаси сифатида танилган. 1920 й.дан Озарбайжон мусиқали театрларининг етакчи артисти. Боку консерваториясида (1927), Италия (Милан, «Ла скала», 1931)да таълим олган. 1932 й.дан Боку консерваториясининг ўқитувчиси, 1940 й.дан проф. Озарбайжон и.т. мусиқа кабинети ташкилотчиси ва раҳбари (1932—44). Фольклор экспедицияни бошқариб, 200 дан ортиқ халқ қўшиғини йиққан. Б. 40 йиллик ижрочилик фаолияти мобайнида асл озарбайжонча миллий куйлаш услубларини Европа хонандалик санъати б-н узвий боғлашга муяссар бўлган. Мажнун (У. Ҳожибеков, «Лайли ва Мажнун»), Герцог (Ж. Верди, «Риголетто»), Ғариб (Р. Глиэр, «Шоҳсанам»), Алиёр (М. Мағомаев, «Наргиз») каби ёрқин образлар яратган. Энг машҳур роли Равшан (У. Ҳожибеков, «Кўр ўғли»)ни 400 марта ижро этган. Ўзбекистонга бир неча марта келиб, ўз санъатини намойиш қилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.