«Bulbulça»
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 688-b. — ziyouz.com
«Bulbulça» — Özbekiston teleradiokompaniyasi qoşidagi bolalar katta xori. Özbekistonda eng maşhur va yirik bolalar xor jamoasi, xor uslubida kuylaş san'atining faol tarğibotçisi. 1970 y. taşkil topgan, 1982 y.dan «B.» nomida. Badiiy rahbari va boş xormeyster — Özbekiston xalq artisti Ş. Yormatov. Tarkibida tayyorlov, kiçkintoylar (7 yoşgaça), örta (8—15 yoşdagi), ösmirlar (15—20 yoşdagi), raqs, doiraçilar, folklor guruhlari mavjud. Repertuaridan mumtoz xor san'ati (I. S. Bax, V. Motsart, F. Şubert ijodi) namunalari, rus (D. Kabalevskiy, G. Struve. A. Sokolov va b.), va, ayniqsa uzbek kompozitorlari (M. Aşrafiy, M. Leviyev, D. Zokirov, S. Yudakov, K. Abdullayev, A. Muxammedov, F. Qodirov, M. Burhonov, R. Vildanov, R. Abdullayev, F. Alimov, N. Norxöjayev, A. Mansurov, D. Omonullayeva, M. Otajonov va b.) asarlari keng örin olgan. «B.» respublika va xalqaro (Rossiya, Finlyandiya, Estoniya, Turkiya va b.) xor festivallarining qatnaşçisi va sovrindori. Xususan, Yugoslaviyaning Skople ş.dagi «Oltin bulbulça» Xalqaro bolalar festivali (1981, 1983, 1985), Minsk ş.dagi Xalqaro bolalar xori festivali (1989) va b. Xor ijro etgan qöşiqlar gramplastinkalarda çiqarilgan, Özbekiston radiosi va televideniyesi fondlarida saqlanadi.
Asl matn (kirill, PDF'dagidek)
«БУЛБУЛЧА» — Ўзбекистон телерадиокомпанияси қошидаги болалар катта хори. Ўзбекистонда энг машҳур ва йирик болалар хор жамоаси, хор услубида куйлаш санъатининг фаол тарғиботчиси. 1970 й. ташкил топган, 1982 й.дан «Б.» номида. Бадиий раҳбари ва бош хормейстер — Ўзбекистон халқ артисти Ш. Ёрматов. Таркибида тайёрлов, кичкинтойлар (7 ёшгача), ўрта (8—15 ёшдаги), ўсмирлар (15—20 ёшдаги), рақс, доирачилар, фольклор гуруҳлари мавжуд. Репертуаридан мумтоз хор санъати (И. С. Бах, В. Моцарт, Ф. Шуберт ижоди) намуналари, рус (Д. Кабалевский, Г. Струве. А. Соколов ва б.), ва, айниқса узбек композиторлари (М. Ашрафий, М. Левиев, Д. Зокиров, С. Юдаков, К. Абдуллаев, А. Мухаммедов, F. Қодиров, М. Бурҳонов, Р. Вильданов, Р. Абдуллаев, Ф. Алимов, Н. Норхўжаев, А. Мансуров, Д. Омонуллаева, М. Отажонов ва б.) асарлари кенг ўрин олган. «Б.» республика ва халқаро (Россия, Финляндия, Эстония, Туркия ва б.) хор фестивалларининг қатнашчиси ва совриндори. Хусусан, Югославиянинг Скопле ш.даги «Олтин булбулча» Халқаро болалар фестивали (1981, 1983, 1985), Минск ш.даги Халқаро болалар хори фестивали (1989) ва б. Хор ижро этган қўшиқлар грампластинкаларда чиқарилган, Ўзбекистон радиоси ва телевидениеси фондларида сақланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.