Bulgakov Mixail Afanasyeviç 11891.3. 5

Bulgakov Mixail Afanasyeviç 11891.3. 5 BULGAKOV Mixail Afanasyeviç 11891.3(15). 5, Kiyev 1940.10.3, Moskva] — rus yozuvçisi. Kiyev untining tibbiyot f-tini tamomlagan (1916). Ilk töplami «Iblisnoma»da (1925) jamlangan hajviyoti öşa davr matbuotida katta şovşuvga sabab böladi. «Oq gvardiya» (1925— 27) tugallanmagan romani mavzui asosida «Turbinlar kuni» pyesasini yozadi (1926 y.da sahnalaştirilgan). Bu asarlarida «Qoçiş» (192628; 1957 y.da sahnalaştirilgan) pyesasidagi kabi eski rus ziyolilari kayfiyatidagi keskin özgariş. «oqlar» harakati ğoyasi, muhojirlik yölining samarasizligi aks etgan. «Zoykaning uyi» (1926 y.da sahnalaştirilgan), «Baxmal orol» (1928 y.da sahnalaştirilgan) komediyalarida B. yangi iqtisodiy siyosat tarafdorlarining turmuş va axloqini mazax qiladi, biqiq teatr muhitidagi urfodatlar ustidan kuladi. 20-y.lar oxirida rus adabiy tanqidi B. ijodini salbiy baholaydi, uning asarlari naşr etilmaydi, pyesalari teatr sahnalaridan olib taşlanadi. 30-y. boşlaridan B. teatrda rejissyor yordamçisi bölib işlaydi, Gogolning «Ölik jonlar» (1932) asarini sahnalaştiradi. «Janob de Molyer hayoti» biografik povestida (1932—33 y.larda yozilib, 1962 y.da naşr etilgan) B. haqiqiy san'at b-n mustabid tuzum bir-biriga zidligini tasvirlaydi. 30-y.lardan umrining oxirigaça B. «Usta va Margarita» romani ustida işlaydi (1966— 67 y.larda naşr etilgan). «Ityurak» asari (1987) asosida kinofilm yaratilgan. «Usta va Margarita» Qodir Mirmuhamedov tomolidan uzbek tiliga tarjima kilingan (1987).