Buvaki
Manba: ÖzME, 2-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 668-b. — ziyouz.com
Buvaki — xöraki va vinobop mahalliy uzum navi. Tupi kuçli usadi. Guli ikki jinsli. Bu navning Toş va Nor buvaki nomli xillari bor. Bargi katta (diametri 18—22 sm), tögarak, beş bölakçali, töq yaşil, yaltiroq, bir oz yuqoriga qayrilgan, çeti arra tişli. Uzum boşi katta (böyi 20—28 sm), uzunçoq konussimon, örtaça tiğiz, oğirligi 250—300 g. Ğujumi örtaça (16—18 mm), dumaloq, oç yaşil, sarğiş, serşira, pösti qalin. Toş buvaki ğujumining sirtida qoramtir nuqtalari borligi b-n Nor buvakidan ajralib turadi. Sent. boşlarida pişadi. Tarkibidagi qand 20—22%, hosildorligi 150—180 s/ga. Suğoriladigan tipik böz tuproqdi va lalmikor yerlarda yaxşi ösadi. Sovuqqa çidamsiz. 1930 y.dan Özbekistonda Buxoro va Samarqand viloyatlarida yetiştiriladigan B.dan «Buvaki» desert oq markali (navli) vino tayyorlangan, xonadonlarda a'lo sifatli şinni pişirilgan. B. qişda saqlaşga ham yaroqli bölgan. 60-y.lardan boşlab ekiladigan navlar röyxatidan çiqarib yuborilgan.
Asl matn (kirill, PDF'dagidek)
БУВАКИ — хўраки ва винобоп маҳаллий узум нави. Тупи кучли усади. Гули икки жинсли. Бу навнинг Тош ва Нор буваки номли хиллари бор. Барги катта (диаметри 18—22 см), тўгарак, беш бўлакчали, тўқ яшил, ялтироқ, бир оз юқорига қайрилган, чети арра тишли. Узум боши катта (бўйи 20—28 см), узунчоқ конуссимон, ўртача тиғиз, оғирлиги 250—300 г. Ғужуми ўртача (16—18 мм), думалоқ, оч яшил, сарғиш, сершира, пўсти қалин. Тош буваки ғужумининг сиртида қорамтир нуқталари борлиги б-н Нор бувакидан ажралиб туради. Сент. бошларида пишади. Таркибидаги қанд 20—22%, ҳосилдорлиги 150—180 ц/га. Суғориладиган типик бўз тупроқди ва лалмикор ерларда яхши ўсади. Совуққа чидамсиз. 1930 й.дан Ўзбекистонда Бухоро ва Самарқанд вилоятларида етиштириладиган Б.дан «Буваки» десерт оқ маркали (навли) вино тайёрланган, хонадонларда аъло сифатли шинни пиширилган. Б. қишда сақлашга ҳам яроқли бўлган. 60-й.лардан бошлаб экиладиган навлар рўйхатидан чиқариб юборилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.