Buyuk Teodorix
Manba: ÖzME, 8-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 294-b. — ziyouz.com
Teodorix Buyuk TEODORIX Buyuk, Teoderix (Theodoricus, Theoderich) (taxm. 454 — 526) — ostgotlar qiroli (493—526), Italiyada ostgotlar davlati asosçisi. 488 y. Italiyaga bostirib kirgan va u yerdagi hukmdor Odoakrni taxtdan agdarib, qatl ettirgaç, hokimiyatni egallab olgan (493 y.). T. davrida ostgotlar davlatiga Ğarbiy Yevropadagi katta hududlar tobe bölgan. Rim aristokratiyasi bilan yaqinlaşgan ostgot zodagonlari manfaatlarini ifoda etgan. T. ostgotlar davlati boşkaruvi, ma'muriyati, qonunşunosligida Rim tartiblarini saqlab qolgan. Taxm. 512 y. naşr etilgan Teodorix edikti asosini Rim huquqi taşkil qilgan bölib, u qulçilikni qonunlaştirgan, yirik yer egaligini saqlab qolgan. T. davrida markazlaşgan hokimiyatni mustaxkamlanişi mamlakatda dehqonçilik va savdoning taraqqiy etişiga, fan va san'atning ravnaq topişiga imkon bergan.
Asl matn (kirill, PDF'dagidek)
ТЕОДОРИХ Буюк, Теодерих (Theodoricus, Theoderich) (тахм. 454 — 526) — остготлар қироли (493—526), Италияда остготлар давлати асосчиси. 488 й. Италияга бостириб кирган ва у ердаги ҳукмдор Одоакрни тахтдан агдариб, қатл эттиргач, ҳокимиятни эгаллаб олган (493 й.). Т. даврида остготлар давлатига Ғарбий Европадаги катта ҳудудлар тобе бўлган. Рим аристократияси билан яқинлашган остгот зодагонлари манфаатларини ифода этган. Т. остготлар давлати бошкаруви, маъмурияти, қонуншунослигида Рим тартибларини сақлаб қолган. Тахм. 512 й. нашр этилган Теодорих эдикти асосини Рим ҳуқуқи ташкил қилган бўлиб, у қулчиликни қонунлаштирган, йирик ер эгалигини сақлаб қолган. Т. даврида марказлашган ҳокимиятни мустахкамланиши мамлакатда деҳқончилик ва савдонинг тараққий этишига, фан ва санъатнинг равнақ топишига имкон берган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.