Çangitkiç
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 18-b. — ziyouz.com
Çangitkiç — ösimliklarni zararkunanda va kasalliklardan himoya qiliş, ğözaning barglarini tökiş (defoliatsiya) maqsadida ularga quruq çangsimon moddalar (zaharli dorilar) sepiş uçun möljallangan q. x. maşinasi. Xuddi şu maqsadda ösimliklarga suyuq moddalarni sepadigan maşina purkagiç deb ataladi (q. Purkagiçlar). Ç.ning traktorga örnatib va yelkaga osib işlatiladigan turlari böladi. Traktorga örnatib işlatiladigan Ç. bilan bir yöla 8 yoki 16 qator ösimlikka (mas, ğözaga) dori sepiş mumkin. Asosiy qismlari: ventilyator (yoki dori aralaştiriş kamerasi), parrak, dorini tözituvçi uçlik, ta'minlagiç şnek, ğaltak va tarelka (rasmga q.). Ç.ning iş organlari traktorning quvvat oliş validan harakatlanadi. Yelkaga osib yuriladigan Ç.ning asosiy qismlari: ta'minlagiçli bunker, qölda harakatlantiriladigan ventilyator, tözituvçi uçlikli nay, yelkaga osiş tasmasi. Barça Ç.larning iş tarzi bir xil: ta'minlagiç bunkerdagi dorini aralaştiriş kamerasiga haydaydi, ventilyator hosil qiladigan havo oqimi uni tözitkiç orqali ösimlikka purkaydi. Ç.lar bilan ğözalar, daraxtlar, toklarga işlov beriladi.
Q.: Purkagiçlar
Asl matn (kirill, PDF'dagidek)
ЧАНГИТКИЧ — ўсимликларни зараркунанда ва касалликлардан ҳимоя қилиш, ғўзанинг баргларини тўкиш (дефолиация) мақсадида уларга қуруқ чангсимон моддалар (заҳарли дорилар) сепиш учун мўлжалланган қ. х. машинаси. Худди шу мақсадда ўсимликларга суюқ моддаларни сепадиган машина пуркагич деб аталади (қ. Пуркагичлар). Ч.нинг тракторга ўрнатиб ва елкага осиб ишлатиладиган турлари бўлади. Тракторга ўрнатиб ишлатиладиган Ч. билан бир йўла 8 ёки 16 қатор ўсимликка (маc, ғўзага) дори сепиш мумкин. Асосий қисмлари: вентилятор (ёки дори аралаштириш камераси), паррак, дорини тўзитувчи учлик, таъминлагич шнек, ғалтак ва тарелка (расмга қ.). Ч.нинг иш органлари тракторнинг қувват олиш валидан ҳаракатланади. Елкага осиб юриладиган Ч.нинг асосий қисмлари: таъминлагичли бункер, қўлда ҳаракатлантириладиган вентилятор, тўзитувчи учликли най, елкага осиш тасмаси. Барча Ч.ларнинг иш тарзи бир хил: таъминлагич бункердаги дорини аралаштириш камерасига ҳайдайди, вентилятор ҳосил қиладиган ҳаво оқими уни тўзиткич орқали ўсимликка пуркайди. Ч.лар билан ғўзалар, дарахтлар, токларга ишлов берилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.