«Çimyon» sanatoriysi
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 103-b. — ziyouz.com
«Çimyon» sanatoriysi - balneologik kurort. Farğona ş.dan 32 km masofada, Katran tizmasi yon bağrida, dengiz sathidan 450 m balandlikda, Oltinsoy daryosi vodiysida joylaşgan. 1979 y. 17 aprelda taşkil etilgan. Mayd. 28 ga. Sanatoriyda ovqat xazm qiliş, qon aylaniş, nerv, tayançharakat sistemasi, ginekologik va urologik kasalliklar bilan oğrigan bemorlar davolanadi. Sanatoriy 1000 öringa möljallangan, birikki kişili palatalari bölgan yotoq korpuslariga ega; u yaxşi kökalamzorlaştirilgan, gulzor va manzarali daraxtlari bor. Iqlimi kontinental; yozi issiq, quruq, qişi yumşoq, yanv.ning örtaça trasi —1,5°, iyulniki 26°, havoning nisbiy namligi 48%.
Davolaş omili — vodorodsulfidli matsesta tipidagi mineral suvlar va Baliqli kölining balçiği. Bundan taşqari, içiş uçun sulfatgidrokarbonatnatriyli kuçsiz (1 g/l gaça) mineral suv işlatiladi.
Mineral suvdan, asosan, vannalar uçun, me'dani yuviş, içaklarni çayiş, tyubaj, duş, suv osti massaji qilişida foydalaniladi. Bundan taşqari, fizioterapiya, davo fizkulturasi, şifobaxş balçikli applikatsiya bilan davolaş usullari ham qöllaniladi. Sulfidli suvlar odam organizmiga teri şilliq qavatlari va nafas yöllari orqali tuşganda şifobaxş ta'sir qiladi, erkin vodorodsulfidi borligi tufayli odamni soğlomlaştiradi. Ular energiya almaşinuviga ta'sir qilib, tomirlar ötkazuvçanligini oşiradi, regenerativ jarayonlarni faollaştiradi, yurak faoliyatini kuçaytiradi, arterial bosimni pasaytiradi, oğriqqa hamda yalliğlanişga qarşi ta'sir körsatadi va h.k. Sanatoriy zamonaviy tibbiy asbobuskunalar bilan jihozlangan; unda yotoq korpuslaridan taşqari madaniyat saroyi, kutubxona, sport maydonçalari, madaniyma'rifiy binolar mavjud (2004). Bolalar va otaonalari uçun yil böyi işlaydigan bölim ham bor (200 örinli).
Asl matn (kirill, PDF'dagidek)
«ЧИМЁН» САНАТОРИЙСИ - бальнеологик курорт. Фарғона ш.дан 32 км масофада, Катран тизмаси ён бағрида, денгиз сатҳидан 450 м баландликда, Олтинсой дарёси водийсида жойлашган. 1979 й. 17 апрелда ташкил этилган. Майд. 28 га. Санаторийда овқат хазм қилиш, қон айланиш, нерв, таянчҳаракат системаси, гинекологик ва урологик касалликлар билан оғриган беморлар даволанади. Санаторий 1000 ўринга мўлжалланган, бирикки кишили палаталари бўлган ётоқ корпусларига эга; у яхши кўкаламзорлаштирилган, гулзор ва манзарали дарахтлари бор. Иқлими континентал; ёзи иссиқ, қуруқ, қиши юмшоқ, янв.нинг ўртача траси —1,5°, июлники 26°, ҳавонинг нисбий намлиги 48%.
Даволаш омили — водородсульфидли мацеста типидаги минерал сувлар ва Балиқли кўлининг балчиғи. Бундан ташқари, ичиш учун сульфатгидрокарбонатнатрийли кучсиз (1 г/л гача) минерал сув ишлатилади.
Минерал сувдан, асосан, ванналар учун, меъдани ювиш, ичакларни чайиш, тюбаж, душ, сув ости массажи қилишида фойдаланилади. Бундан ташқари, физиотерапия, даво физкультураси, шифобахш балчикли аппликация билан даволаш усуллари ҳам қўлланилади. Сульфидли сувлар одам организмига тери шиллиқ қаватлари ва нафас йўллари орқали тушганда шифобахш таъсир қилади, эркин водородсульфиди борлиги туфайли одамни соғломлаштиради. Улар энергия алмашинувига таъсир қилиб, томирлар ўтказувчанлигини оширади, регенератив жараёнларни фаоллаштиради, юрак фаолиятини кучайтиради, артериал босимни пасайтиради, оғриққа ҳамда яллиғланишга қарши таъсир кўрсатади ва ҳ.к. Санаторий замонавий тиббий асбобускуналар билан жиҳозланган; унда ётоқ корпусларидан ташқари маданият саройи, кутубхона, спорт майдончалари, маданиймаърифий бинолар мавжуд (2004). Болалар ва отаоналари учун йил бўйи ишлайдиган бўлим ҳам бор (200 ўринли).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.