Çorvoq suv ombori
Manba: ÖzME, 9-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 147-b. — ziyouz.com
Çorvoq suv ombori — Çirçiq daryosining boşlaniş qismida qurilgan (1963—70) gidrotexnika inşooti. Q.x.ni bir meyorda suv bilan ta'minlaş, toşqinlarning oldini oliş va gidrotexnika maqsadlarida barpo etilgan. Daryo suvini mavsumiy tartibga soladi. Suv ombori Çatqol va Ugom toglari orasiga qurilgan. Toş tuproqli töğoni uz. 768 m, balandligi 168 m, yuqori qismining eni 12 m. Töğonda Çorvoq GESni suv bilan ta'minlaş uçun uz. 800 m va diametri 11 m bölgan 2 ta tunnel bor. Ç.s.o.ning töla siğimi 2006 mln. m3, şundan foydali suv hajmi 1580 mln. m3, suv yuzasi sathi 40,1 km2, eni ayrim joylarda 10 km, uz. 19 km, maksimal çuq. 131 m, örtaça çuq. 55 m. Suv omboriga Piskom, Köksuv, Çatqol daryolari quyiladi.
Suv oqimi köpayib, xatarli darajaga yetganda suvni çiqarib yuboradigan şaxtali (1200 m3/sek) va 2 ta poğonali (450 m3/sek va 500 m'/sek) suv taşlagiçlar bilan jihozlangan.
Ç.s.o. Çirçiq—Bözsuv suvenergetika traktinn bir meyorda suv bilan ta'minlaydi. Uning barpo etilişi bilan suv kam bölgan yillari Toşkent vohasidagi va Qozoğiston Respublikasi Jan. Qozoğiston viloyatidagi 355 ming ga dan ortiq yerni barqaror suv bilan ta'minlaş (şundan yangi özlaştirilgan yerlar 150 ming ga), Çirçiq daryosining yuqori oqimida röy beradigan suv toşqinlariga barham beriş imkoniyatlari yaratildi.
2000yil boşlaridan Ç.s.o. sohillarida xalqaro andozalarga moye bölgan yirik dam oliş majmualari barpo etildi.
Asl matn (kirill, PDF'dagidek)
ЧОРВОҚ СУВ ОМБОРИ — Чирчиқ дарёсининг бошланиш қисмида қурилган (1963—70) гидротехника иншооти. Қ.х.ни бир меъёрда сув билан таъминлаш, тошқинларнинг олдини олиш ва гидротехника мақсадларида барпо этилган. Дарё сувини мавсумий тартибга солади. Сув омбори Чатқол ва Угом тоглари орасига қурилган. Тош тупроқли тўғони уз. 768 м, баландлиги 168 м, юқори қисмининг эни 12 м. Тўғонда Чорвоқ ГЭСни сув билан таъминлаш учун уз. 800 м ва диаметри 11 м бўлган 2 та туннель бор. Ч.с.о.нинг тўла сиғими 2006 млн. м3, шундан фойдали сув ҳажми 1580 млн. м3, сув юзаси сатҳи 40,1 км2, эни айрим жойларда 10 км, уз. 19 км, максимал чуқ. 131 м, ўртача чуқ. 55 м. Сув омборига Писком, Кўксув, Чатқол дарёлари қуйилади.
Сув оқими кўпайиб, хатарли даражага етганда сувни чиқариб юборадиган шахтали (1200 м3/сек) ва 2 та поғонали (450 м3/сек ва 500 м’/сек) сув ташлагичлар билан жиҳозланган.
Ч.с.о. Чирчиқ—Бўзсув сувэнергетика трактинн бир меъёрда сув билан таъминлайди. Унинг барпо этилиши билан сув кам бўлган йиллари Тошкент воҳасидаги ва Қозоғистон Республикаси Жан. Қозоғистон вилоятидаги 355 минг га дан ортиқ ерни барқарор сув билан таъминлаш (шундан янги ўзлаштирилган ерлар 150 минг га), Чирчиқ дарёсининг юқори оқимида рўй берадиган сув тошқинларига барҳам бериш имкониятлари яратилди.
2000йил бошларидан Ч.с.о. соҳилларида халқаро андозаларга мое бўлган йирик дам олиш мажмуалари барпо этилди.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.