Dalil
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 59-b. — ziyouz.com
Dalil — sud işlarida isbotlanişi lozim bölgan holatlarni tasdiqlaydigan yoki inkor etadigan turli faktik ma'lumotlar. D. sudda haqiqatni aniqlab, odilona qarorga keliş uçun yagona asosdir. Özbekiston Respublikasida D. fuqarolik, xöjalik, ma'muriy va jinoyat işlarini yuritişga oid qonunlar b-n belgilangan tartibda töplanişi, tekşirilişi va baholanişi şart. D. fuqarolik işlarida tortişuvçi taraflarning talab va e'tirozlarini asoslaşga, jinoyat işlarida jinoiy voqea yuz bergani, uni sodir etgan şaxs kimligi, jinoyat maqsadi, ayblilik darajasi, yetkazilgan zararning miqdori töla va aniq belgilanişiga xizmat qiladi. D.larni faqat vakolatli davlat organlari va mansabdor şaxslar töplaydi. Tergov va sud iştirokçilari D. taqdim etişi, ularni işga qöşiş haqida iltimos qilişi mumkin. D. sifatida da'vogar va javobgarning sudlanuvçi, jabrlanuvçi va guvohlarning körsatuvlari, turli hujjatlar, aşyoviy dalillar va ekspert xulosalaridan foydalaniladi.
Asl matn (kirill, PDF'dagidek)
ДАЛИЛ — суд ишларида исботланиши лозим бўлган ҳолатларни тасдиқлайдиган ёки инкор этадиган турли фактик маълумотлар. Д. судда ҳақиқатни аниқлаб, одилона қарорга келиш учун ягона асосдир. Ўзбекистон Республикасида Д. фуқаролик, хўжалик, маъмурий ва жиноят ишларини юритишга оид қонунлар б-н белгиланган тартибда тўпланиши, текширилиши ва баҳоланиши шарт. Д. фуқаролик ишларида тортишувчи тарафларнинг талаб ва эътирозларини асослашга, жиноят ишларида жиноий воқеа юз бергани, уни содир этган шахс кимлиги, жиноят мақсади, айблилик даражаси, етказилган зарарнинг миқдори тўла ва аниқ белгиланишига хизмат қилади. Д.ларни фақат ваколатли давлат органлари ва мансабдор шахслар тўплайди. Тергов ва суд иштирокчилари Д. тақдим этиши, уларни ишга қўшиш ҳақида илтимос қилиши мумкин. Д. сифатида даъвогар ва жавобгарнинг судланувчи, жабрланувчи ва гувоҳларнинг кўрсатувлари, турли ҳужжатлар, ашёвий далиллар ва эксперт хулосаларидан фойдаланилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.