Dandiboy sağanasi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 72-b. — ziyouz.com
Dandiboy sağanasi - sönggi jez davriga mansub sağana (mil. av. 2-ming yillikning 2-yarmi — 1-ming yillikning boşi). Qarağanda (Qozoğiston) ş.dan 60 km jan.-ğarbda, Şerboy-Nur daryosining öng qirğoğida joylaşgan Dandiboy ovulidan topilgan. Sağana murabba şaklli toş devor b-n öralgan bir qança qabrlardan iborat. Qabrlar ança çuqurlikda, törtburçak şaklda; devorlari xarsang toş bölaklaridan tiklangan, usti yoğoç ğölalar b-n yopilgan. Ulardan qölda yasalgan qadahsimon sopol idişlar, paykonlar, suyak tugmalar va toş qurollarning turli xillari topilgan. Idişlarning sirti silliqlangan, rangi sarğiş, tirnaş usulida geometrik şaklda naqş solingan. D. s. yodgorligi Andronovo madaniyati — Qorasuq madaniyatiga ötiş davri xususiyatlarini aks ettiradi.
Asl matn (kirill, PDF'dagidek)
ДАНДИБОЙ САҒАНАСИ - сўнгги жез даврига мансуб сағана (мил. ав. 2-минг йилликнинг 2-ярми — 1-минг йилликнинг боши). Қарағанда (Қозоғистон) ш.дан 60 км жан.-ғарбда, Шербой-Нур дарёсининг ўнг қирғоғида жойлашган Дандибой овулидан топилган. Сағана мурабба шаклли тош девор б-н ўралган бир қанча қабрлардан иборат. Қабрлар анча чуқурликда, тўртбурчак шаклда; деворлари харсанг тош бўлакларидан тикланган, усти ёғоч ғўлалар б-н ёпилган. Улардан қўлда ясалган қадаҳсимон сопол идишлар, пайконлар, суяк тугмалар ва тош қуролларнинг турли хиллари топилган. Идишларнинг сирти силлиқланган, ранги сарғиш, тирнаш усулида геометрик шаклда нақш солинган. Д. с. ёдгорлиги Андроново маданияти — Қорасуқ маданиятига ўтиш даври хусусиятларини акс эттиради.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.