Darsonvalizatsiya

Darsonvalizatsiya - yuqori kuçlanişli va yuqori çastotali özgaruvçan tokni davo maqsadida qöllaş; şu usulni tavsiya etgan (1891) fransuz olimi d'Arsonval nomi b-n atalgan. Umumiy (induktoterapiya) va mahalliy D. farq qilinadi. Gaz b-n töldirilgan şişa elektrod bemor badanida u yoq-bu yoqqa suriladi, bunda bemor badani b-n elektrod örtasida kiçik uçqun razryadlar hosil bölib, teridagi nerv oxirlarini qitiqlaydi. Ayni vaqtda terida bir oz issiqlik paydo böladi, qon tomirlari reflektor yöl b-n kengayadi. D. töqimalarning oziqlanişini yaxşilab, oğriqni qoldiradi. D.da töqimalarda ma'lum fizik va kimyoviy özgarişlar röy beradi. Umumiy D. qon bosimini kötaradi, miya tomirlari tonusini barqarorlaştiradi, moddalar almaşinuvini yaxşilaydi va h.k. Mahalliy D. qon tomirlar tonusini oşiradi, moddalar almaşinuvini tartibga soladi, töqimalar oziqlanişini yaxşilaydi, limfotsitlarning himoya faoliyatini kuçaytiradi va b. Periferik kon aylanişi buzilganda, ya'ni qöl yoki oyok, tomirlari torayib, töqimalar oziqlanişi özgarişi natijasida et uvişib, xuddi çumoli yurayotgandek sezilganda bu usul (mahalliy D.) qöllaniladi. Nevroz va yurak tomirlari spazmi oqibatida, yuza nervlar çigallari, gipertoniya kasalliklariga va oğriq b-n ötadigan b. kasalliklarga davo qilişda D.dan foydalaniladi. D. terining oziqlanişini yaxşilaşi sababli bir kança teri kasalliklarini davolaş, kosmetikada ajin tuşişi, şuningdek, soç tökilişining oldini olişda juda qöl keladi.