Darveş Muhammad toqiy
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 88-b. — ziyouz.com
Darveş Muhammad toqiy (15-a. 2-yarmi — 16-a. boşlari, Hirot) — maşhur xattot, nasta'liq xati ustasi. Alişer Navoiy va Abdurahmon Jomiy b-n hamsuhbat bölgan, ularning asarlarini çiroyli nasta'liq xatida köçirgan. D.M.T. köçirgan qölyozma kitoblar: Abu Rayhon Beruniy nomidagi Şarqşunoslik in-tida Husayn Voiz Koşifiyning «Lubob ul-albob» (Rakami — 2227, 1477 y.da köçirilgan), Alişer Navoiyning uçta terma devoni (R—3479, 4007, 7701; 15-a. oxiri — 16- a. boşlari), Abdurahmon Jomiyning «Bahoriston» (R—3376/1, 15-a. oxiri), Muhammad Tohiriy Ğazzoliyning «Ma'rifat ul-mazohib» (R—3376, 1502 y.) asarlari; Sankt-Peterburgdagi Saltikov-Şçedrin nomidagi ommaviy kutubxonada Nizomiy Ganjaviyning «Xamsa»si (Dorn 338, 1482 y.), Istanbuldagi Töpqopu saroyi kutubxonasida Alişer Navoiyning hayotligida tartib berilgan mö'tabar «Kulliyot»i (26 asarni öz içiga olgan, 802 varakdan iborat) rasmli qölyozma kitobi (R-808, 1497— 1500 y.lar) saqlanadi.
Asl matn (kirill, PDF'dagidek)
ДАРВЕШ МУҲАММАД ТОҚИЙ (15-а. 2-ярми — 16-а. бошлари, Ҳирот) — машҳур хаттот, настаълиқ хати устаси. Алишер Навоий ва Абдураҳмон Жомий б-н ҳамсуҳбат бўлган, уларнинг асарларини чиройли настаълиқ хатида кўчирган. Д.М.Т. кўчирган қўлёзма китоблар: Абу Райҳон Беруний номидаги Шарқшунослик ин-тида Ҳусайн Воиз Кошифийнинг «Лубоб ул-албоб» (Раками — 2227, 1477 й.да кўчирилган), Алишер Навоийнинг учта терма девони (Р—3479, 4007, 7701; 15-а. охири — 16- а. бошлари), Абдураҳмон Жомийнинг «Баҳористон» (Р—3376/1, 15-а. охири), Муҳаммад Тоҳирий Ғаззолийнинг «Маърифат ул-мазоҳиб» (Р—3376, 1502 й.) асарлари; Санкт-Петербургдаги Салтиков-Шчедрин номидаги оммавий кутубхонада Низомий Ганжавийнинг «Хамса»си (Дорн 338, 1482 й.), Истанбулдаги Тўпқопу саройи кутубхонасида Алишер Навоийнинг ҳаётлигида тартиб берилган мўътабар «Куллиёт»и (26 асарни ўз ичига олган, 802 варакдан иборат) расмли қўлёзма китоби (Р-808, 1497— 1500 й.лар) сақланади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.