«Davlat belgisi» işlab çiqariş birlaşmasi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 9-b. — ziyouz.com
«Davlat belgisi» işlab çiqariş birlaşmasi «DAVLAT BELGISI» IŞLAB ÇIQARIŞ BIRLAŞMASI, Özbekiston Respublikasi Markaziy banki huzuridagi «Davlat belgisi» işlab çiqariş birlaşmasi — Özbekistonda davlatning turli hujjatlari (pasport, sertifikat, qimmatli qoğozlar, banknotlar va b.)ni tayyorlaydigan birlaş-ma. Bosma fabrikasi (Angliyaning «Xarrison va öğillari» firmasi b-n hamkorlikda qurilgan), qoğoz f-kasi (Germaniyaning «Luizental» qoğoz fabrikasi b-n hamkorlikda qurilgan) va Toşkent zarbxonasiga ega. Qalbakilaştirişdan himoyalangan qimmatli qoğozlar, pasport qoğozlari, aksiz markalar uçun qoğozlar, pul bosiladigan qoğozlar; banknotlar, sertifikatlar, lotereya biletlari, veksellar, çeklar, aksiz va poçta markalari, kolleksiya va esdalik tangalari töpla-mi, esdalik nişonlari va b. işlab çikaradi. Birlaşmada mazkur jarayonlar uçun barça imkoniyatlar mavjud (zamonaviy texnika va texnologiya, Buyuk Britaniya, Germaniya, Şveysariyada ta'lim olgan yuqori malakali mutaxassislar, i.ç.dagi umumiy xavfsizlik). Uning ilk mahsulotini Bosma fabrikasi bergan. Şuningdek, 1994 y. 1 iyuldan muomalaga kiritilgan Özbekistan Respublikasining milliy valyutasi — söm ham mazkur f-kada tayyorlanadi. Qoğoz f-kasi 1995 y. foydalanişga topşirilgan. Zarbxona esa bu tizimdagi yangi korxona.
Sulaymon Xudoyqulov.
Asl matn (kirill, PDF'dagidek)
«ДАВЛАТ БЕЛГИСИ» ИШЛАБ ЧИҚАРИШ БИРЛАШМАСИ, Ўзбекистон Республикаси Марказий банки ҳузуридаги «Давлат белгиси» ишлаб чиқариш бирлашмаси — Ўзбекистонда давлатнинг турли ҳужжатлари (паспорт, сертификат, қимматли қоғозлар, банкнотлар ва б.)ни тайёрлайдиган бирлаш-ма. Босма фабрикаси (Англиянинг «Харрисон ва ўғиллари» фирмаси б-н ҳамкорликда қурилган), қоғоз ф-каси (Германиянинг «Луизенталь» қоғоз фабрикаси б-н ҳамкорликда қурилган) ва Тошкент зарбхонасига эга. Қалбакилаштиришдан ҳимояланган қимматли қоғозлар, паспорт қоғозлари, акциз маркалар учун қоғозлар, пул босиладиган қоғозлар; банкнотлар, сертификатлар, лотерея билетлари, векселлар, чеклар, акциз ва почта маркалари, коллекция ва эсдалик тангалари тўпла-ми, эсдалик нишонлари ва б. ишлаб чикаради. Бирлашмада мазкур жараёнлар учун барча имкониятлар мавжуд (замонавий техника ва технология, Буюк Британия, Германия, Швейцарияда таълим олган юқори малакали мутахассислар, и.ч.даги умумий хавфсизлик). Унинг илк маҳсулотини Босма фабрикаси берган. Шунингдек, 1994 й. 1 июлдан муомалага киритилган Ўзбекистан Республикасининг миллий валютаси — сўм ҳам мазкур ф-када тайёрланади. Қоғоз ф-каси 1995 й. фойдаланишга топширилган. Зарбхона эса бу тизимдаги янги корхона.
Сулаймон Худойқулов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.