Davlat gerbi
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 13–14-b. — ziyouz.com
Davlat gerbi — davlat ramzlaridan biri. Unda davlatning milliysiyosiy, iqtisodiy xususiyatlari, ijtimoiy va davlat tuzumi, geografik va b. belgilari öz ifodasini topadi. Gerb davlat bayroqlarida, muhrda, rasmiy blanklarda, muhim hujjat, pul va davlat zayomlarida, ba'zi binolarda tasvirlanadi. D. g.ning maz-muni konstitutsiya yoki maxsus qonun b-n belgilanadi (jahondagi davlatlar gerblari tasviri haqida tegişli maqolalarga q.).
Özbekiston Respublikasi D.g.ning rangli va oq-qora tasviri «Özbekistan Respublikasi Davlat gerbi töğrisida»gi qonun (1992 y. 2 iyul)da tasdiklangan.
Özbekiston Respublikasining D.g. quyidagi körinişga ega: toğlar, daryolar va söl tomoni buğdoy boşoqlaridan, öng tomoni esa çanoqlari oçilgan ğöza şoxlaridan iborat çambarga öralgan gullagan vodiy uzra quyoş zarrin nurlarini soçib turadi. Gerbning yuqori qismida respublika hurligining ramzi sifatida 8 burçak tasvirlangan bölib, uning içki qismida yarim oy va yulduz tasviri bor. Gerbning markazida baxt va erksevarlik ramzi — qanotlarini yozgan Xumo quşi körinadi. Gerbning pastki qismida respublika Davlat bayroğini ifoda etuvçi çambar lentasining bantida «Özbekiston» deb yozib qöyilgan. Özbekiston Respublikasi D.g. va uning tasvirini aks ettiriş lozim bölgan hollar, şu b-n boğliq tartib-qoidalar yuqoridagi qonunda belgilangan.
Asl matn (kirill, PDF'dagidek)
ДАВЛАТ ГЕРБИ — давлат рамзларидан бири. Унда давлатнинг миллийсиёсий, иқтисодий хусусиятлари, ижтимоий ва давлат тузуми, географик ва б. белгилари ўз ифодасини топади. Герб давлат байроқларида, муҳрда, расмий бланкларда, муҳим ҳужжат, пул ва давлат заёмларида, баъзи биноларда тасвирланади. Д. г.нинг маз-муни конституция ёки махсус қонун б-н белгиланади (жаҳондаги давлатлар герблари тасвири ҳақида тегишли мақолаларга қ.).
Ўзбекистон Республикаси Д.г.нинг рангли ва оқ-қора тасвири «Ўзбекистан Республикаси Давлат герби тўғрисида»ги қонун (1992 й. 2 июль)да тасдикланган.
Ўзбекистон Республикасининг Д.г. қуйидаги кўринишга эга: тоғлар, дарёлар ва сўл томони буғдой бошоқларидан, ўнг томони эса чаноқлари очилган ғўза шохларидан иборат чамбарга ўралган гуллаган водий узра қуёш заррин нурларини сочиб туради. Гербнинг юқори қисмида республика ҳурлигининг рамзи сифатида 8 бурчак тасвирланган бўлиб, унинг ички қисмида ярим ой ва юлдуз тасвири бор. Гербнинг марказида бахт ва эрксеварлик рамзи — қанотларини ёзган Хумо қуши кўринади. Гербнинг пастки қисмида республика Давлат байроғини ифода этувчи чамбар лентасининг бантида «Ўзбекистон» деб ёзиб қўйилган. Ўзбекистон Республикаси Д.г. ва унинг тасвирини акс эттириш лозим бўлган ҳоллар, шу б-н боғлиқ тартиб-қоидалар юқоридаги қонунда белгиланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.