Davlat naslçilik nazorati
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 26-b. — ziyouz.com
Davlat naslçilik nazorati — mamlakat miqyosida çorvaçilik sohasida naslçilik işlarini nazorat qiliş majmui. Tarmoqda yagona ilmiy-texnika siyosatini amalga oşiriş, davlat va mintaqaviy dasturlarni işlab çiqiş va amalga oşirişni taşkil etiş, naslçilikdagi meyoriy hujjatlar va qoidalarni tasdiqlaş, nasldor hayvonlarni, naslçilik xöjaliklari va podalarini tegişliça davlat kitobida va davlat reyestrida röyxatga oliş, naslçilik sohasida seleksiya, biotexnologiya va genetik injeneriya usullarini qullaş şartlarini belgilaş, naslçilikni davlat yöli b-n rağbatlantiriş, seleksiya maqsadlari uçun noyob zotlar genofondini saqlab qoliş çoratadbirlari va b.ni qamraydi. Özbekistonda D.n.n. işlari Respublika Vazirlar Mahkamasining 1995 y. 12 iyuldagi qarori asosida taşkil etilgan. D.n.n.ni Respublika Qişloq va suv xöjaligi vazirligining Çorvaçilikda naslçilik işlari boş davlat inspeksiyasi va Qoraqalpoğiston Respublikasi hamda viloyatlar hokimliklaridagi naslçilik işlari böyiça davlat inspeksiyalari olib boradi. Özbekiston Respublikasining 1995 y. 21 dek.da qabul qilingan «Naslçilik töğrisida» qonunida Özbekistonda birinçi marta D.n.n.ning asosiy vazifalari va huquqiy asoslari belgilab berilgan.
Izatulla Eşmatov.
Asl matn (kirill, PDF'dagidek)
ДАВЛАТ НАСЛЧИЛИК НАЗОРАТИ — мамлакат миқёсида чорвачилик соҳасида наслчилик ишларини назорат қилиш мажмуи. Тармоқда ягона илмий-техника сиёсатини амалга ошириш, давлат ва минтақавий дастурларни ишлаб чиқиш ва амалга оширишни ташкил этиш, наслчиликдаги меъёрий ҳужжатлар ва қоидаларни тасдиқлаш, наслдор ҳайвонларни, наслчилик хўжаликлари ва подаларини тегишлича давлат китобида ва давлат реестрида рўйхатга олиш, наслчилик соҳасида селекция, биотехнология ва генетик инженерия усулларини қуллаш шартларини белгилаш, наслчиликни давлат йўли б-н рағбатлантириш, селекция мақсадлари учун ноёб зотлар генофондини сақлаб қолиш чоратадбирлари ва б.ни қамрайди. Ўзбекистонда Д.н.н. ишлари Республика Вазирлар Маҳкамасининг 1995 й. 12 июлдаги қарори асосида ташкил этилган. Д.н.н.ни Республика Қишлоқ ва сув хўжалиги вазирлигининг Чорвачиликда наслчилик ишлари бош давлат инспекцияси ва Қорақалпоғистон Республикаси ҳамда вилоятлар ҳокимликларидаги наслчилик ишлари бўйича давлат инспекциялари олиб боради. Ўзбекистон Республикасининг 1995 й. 21 дек.да қабул қилинган «Наслчилик тўғрисида» қонунида Ўзбекистонда биринчи марта Д.н.н.нинг асосий вазифалари ва ҳуқуқий асослари белгилаб берилган.
Изатулла Эшматов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.