Davlat va jamiyat qurilişi akademiyasi

Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 12–13-b. — ziyouz.com

Davlat va jamiyat qurilişi akademiyasi DAVLAT VA JAMIYAT QURILIŞI AKADEMIYASI, Özbekiston Respublikasi Prezidenti huzuridagi Davlat va jamiyat qurilişi akademiyasi — rahbar xodimlarni tayyorlovçi va kayta tayyorlovçi, ular malakasini oşiruvçi öquv-usuliy va ilmiy markaz. ÖzR Prezidentining 1995 y. 19 apr. farmoniga muvofiq taşkil qilingan. Asosiy vazifasi — hokimliklar va boşqaruv organlari rahbar xodimlari, jamoat taşkilotlari va birlaşmalari, xöjalik tuzilmalari rahbarlari, şuningdek, örta böğin boşqaruv organlari, tadbirkorlik tuzilmalarining oliy toifali zamonaviy mutaxassislari va rahbarlarini öqitiş, tarbiyalaş. Akademiyada 10 va 12,5 oylik tayyorlaş, 3 oylik qayta tayyorlaş hamda 1 oylik malaka oşiriş kurslari tuzilgan, xorijiy mutaxassislar iştirokida esa 5—10 kunlik seminarlar yölga qöyilgan. 3 ta f-t faoliyat körsatadi: 1) davlat va jamiyat qurilişi; 2) bozor iqtisodiyoti asoslari va tamoyillari; 3) davlatlararo munosabatlar va taşqi iqtisodiy aloqalar. Bu f-tlar tarkibida 12 ta kafedra iş olib boradi. Öquv dasturlari AQŞ, Yaponiya, Germaniya, Fransiya va b. mamlakatlarning ta'lim tizimlari andozalariga muvofiq tartibda işlab çiqilgan. Dasturlar 4 moduldan iborat: asosiy kurslar; mutaxassislik kurslari; informatsion boşqariş tizimi; magistrlik dissertatsiyalari loyihalarini tayyorlaş va himoya qiliş. Akademiya 10 va 12,5 oylik kurslarini bitiruvçilarga tanlagan mutaxassisliklari böyiça magistr diplomi beriladi. Kafedralarda kunduzgi, sirtqi aspirantura va doktoranturalarda ilmiy xodimlar tayyorlanadi. Öquv jarayonlarini taşkil qiliş işlariga respublikaning yetuk öqituvçi-prof.lari jalb etilgan. Asosiy ilmiy yönalişlar islohotlar jarayoni konsepsiyalarini yaratiş, maorif tizimini isloh qiliş uçun tavsiyanomalar işlab çiqiş, rahbar kadrlar tizimini tayyorlaşda ilmiy tavsiyalar b-n iştirok etişga qaratilgan. Köplab xorijiy taşkilotlar b-n aloqalar örnatilgan. Öquv jarayonlarida AKŞ, Yaponiya, Germaniya, Italiya, Fransiya, Rossiya, Moldova, Eron, Malayziya, Jan. Koreya, Xitoy va b. davlatlar elçixonalarining rahbarlari ma'ruza, suhbat ötkazadilar va amaliy maşğulotlarda qatnaşadilar. Öqituvçilar, tinglovçilar, aspirantlar, doktorantlar hamda tadqiqotçilarning malaka oşirişi, tajriba almaşişi uçun xorijiy davlatlar öquv yurtlariga yuboriş yoki u yerlardan malakali mutaxassislarni taklif etiş yölga qöyilgan. Akademiya hududida joylaşgan «Konrad Adenauer», ÖzR «Ustoz» jamğarmalari, TASIS, Jurnalistlarni qayta tayyorlovçi xalqaro jamoatçilik markazi kabi taşkilotlar b-n mustahkam hamkorlik örnatilgan. Akademiyaga tinglovçilarni qabul komissiyasi qabul qiladi. Mutaxassislar tayyorlaş manfaatdor korxonalar, muassasalar, taşkilotlar hamda alohida şaxslar b-n tuziladigan şartnoma asosida amalga oşiriladi. Boşqa davlatlar fuqarolari ham şartnomaga binoan öqitiladi.

Akademiya huzurida i.t. va öquv-usuliy muassasasi — Özbekistonning yangi tarixi markazi taşkil qilingan (1996 y. sent.). Markaz 3 jildli («Turkiston çor mustamlakaçiligi davrida», «Özbekiston sovet mustamlakaçiligi davrida», «Mustaqil Özbekiston tarixi») Özbekistonning yangi tarixi, «Özbekiston tarixi: davlat va jamiyat taraqqiyoti» kitoblarini tayyorlab, çop ettirdi (2000). Akademiya naşriyoti ilmiy, ilmiy ommabop va b. turdagi naşrlarni, «Jamiyat va boşqaruv» jur. ni çop etadi, har 3 oyda bir marta axborot byulletenini çikaradi. Akademiyaning 25 mingdan ortiq adabiyotlar b-n ta'minlangan zamonaviy kutubxonasi, kompyuter markazi, mehmonxonasi, tibbiyot bölimi, restoran, sport, trenajer zallari bor.

Rustam Jumayev.

Asl matn (kirill, PDF'dagidek)

ДАВЛАТ ВА ЖАМИЯТ ҚУРИЛИШИ АКАДЕМИЯСИ, Ўзбекистон Республикаси Президенти ҳузуридаги Давлат ва жамият қурилиши академияси — раҳбар ходимларни тайёрловчи ва кайта тайёрловчи, улар малакасини оширувчи ўқув-усулий ва илмий марказ. ЎзР Президентининг 1995 й. 19 апр. фармонига мувофиқ ташкил қилинган. Асосий вазифаси — ҳокимликлар ва бошқарув органлари раҳбар ходимлари, жамоат ташкилотлари ва бирлашмалари, хўжалик тузилмалари раҳбарлари, шунингдек, ўрта бўғин бошқарув органлари, тадбиркорлик тузилмаларининг олий тоифали замонавий мутахассислари ва раҳбарларини ўқитиш, тарбиялаш. Академияда 10 ва 12,5 ойлик тайёрлаш, 3 ойлик қайта тайёрлаш ҳамда 1 ойлик малака ошириш курслари тузилган, хорижий мутахассислар иштирокида эса 5—10 кунлик семинарлар йўлга қўйилган. 3 та ф-т фаолият кўрсатади: 1) давлат ва жамият қурилиши; 2) бозор иқтисодиёти асослари ва тамойиллари; 3) давлатлараро муносабатлар ва ташқи иқтисодий алоқалар. Бу ф-тлар таркибида 12 та кафедра иш олиб боради. Ўқув дастурлари АҚШ, Япония, Германия, Франция ва б. мамлакатларнинг таълим тизимлари андозаларига мувофиқ тартибда ишлаб чиқилган. Дастурлар 4 модулдан иборат: асосий курслар; мутахассислик курслари; информацион бошқариш тизими; магистрлик диссертациялари лойиҳаларини тайёрлаш ва ҳимоя қилиш. Академия 10 ва 12,5 ойлик курсларини битирувчиларга танлаган мутахассисликлари бўйича магистр дипломи берилади. Кафедраларда кундузги, сиртқи аспирантура ва докторантураларда илмий ходимлар тайёрланади. Ўқув жараёнларини ташкил қилиш ишларига республиканинг етук ўқитувчи-проф.лари жалб этилган. Асосий илмий йўналишлар ислоҳотлар жараёни концепцияларини яратиш, маориф тизимини ислоҳ қилиш учун тавсияномалар ишлаб чиқиш, раҳбар кадрлар тизимини тайёрлашда илмий тавсиялар б-н иштирок этишга қаратилган. Кўплаб хорижий ташкилотлар б-н алоқалар ўрнатилган. Ўқув жараёнларида АКШ, Япония, Германия, Италия, Франция, Россия, Молдова, Эрон, Малайзия, Жан. Корея, Хитой ва б. давлатлар элчихоналарининг раҳбарлари маъруза, суҳбат ўтказадилар ва амалий машғулотларда қатнашадилар. Ўқитувчилар, тингловчилар, аспирантлар, докторантлар ҳамда тадқиқотчиларнинг малака ошириши, тажриба алмашиши учун хорижий давлатлар ўқув юртларига юбориш ёки у ерлардан малакали мутахассисларни таклиф этиш йўлга қўйилган. Академия ҳудудида жойлашган «Конрад Аденауэр», ЎзР «Устоз» жамғармалари, ТАСИС, Журналистларни қайта тайёрловчи халқаро жамоатчилик маркази каби ташкилотлар б-н мустаҳкам ҳамкорлик ўрнатилган. Академияга тингловчиларни қабул комиссияси қабул қилади. Мутахассислар тайёрлаш манфаатдор корхоналар, муассасалар, ташкилотлар ҳамда алоҳида шахслар б-н тузиладиган шартнома асосида амалга оширилади. Бошқа давлатлар фуқаролари ҳам шартномага биноан ўқитилади.

Академия ҳузурида и.т. ва ўқув-усулий муассасаси — Ўзбекистоннинг янги тарихи маркази ташкил қилинган (1996 й. сент.). Марказ 3 жилдли («Туркистон чор мустамлакачилиги даврида», «Ўзбекистон совет мустамлакачилиги даврида», «Мустақил Ўзбекистон тарихи») Ўзбекистоннинг янги тарихи, «Ўзбекистон тарихи: давлат ва жамият тараққиёти» китобларини тайёрлаб, чоп эттирди (2000). Академия нашриёти илмий, илмий оммабоп ва б. турдаги нашрларни, «Жамият ва бошқарув» жур. ни чоп этади, ҳар 3 ойда бир марта ахборот бюллетенини чикаради. Академиянинг 25 мингдан ортиқ адабиётлар б-н таъминланган замонавий кутубхонаси, компьютер маркази, меҳмонхонаси, тиббиёт бўлими, ресторан, спорт, тренажер заллари бор.

Рустам Жумаев.

Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.