Davlatmandbek Kamoliddinbek öğli
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 39-b. — ziyouz.com
Davlatmandbek Kamoliddinbek öğli (7—1922.4.8) — qörboşi, Şarqiy Buxoroda bosqinçi qizil armiya qismlariga qarşi istiqlolçilik harakati rahbarlaridan. Buxoro amirligi davrida Baljuvon begi, devonbegi, laşkarboşi bölgan. Baljuvon va Şerobod bekliklarida katta yer-mulki bölgan. Amir Olimxon qizil qöşinga qarşi kuraşda amirlik Qöşiniga Ibrohimbek va D.ni laşkarboşilar qilib tayinlagan (1920). D. Şarqiy Buxoroning Baljuvon, Konkurd, Çiğon mintaqalarida qizil armiyaga qarşi mustaqillik bayroğini kötargan, 1921 y. boşida uning qöşini tarkibida 5000 dan ortiq yigit bölgan. 1921 y. 12 avg.da Baljuvonda Buxoro xalq respublikasi hukumatining favqulodda muxtor vakili Otaulla Xöjayev b-n D. qörboşi örtasida şartnoma imzolandi. Unga köra, yangi Buxoro hukumati tomonidan Şarqiy Buxorodagi yirik qörboşilar D. va Sulton Eşon Baljuvon va Ğarm inqilobiy qömitalarining raisi qilib tayinlangan. D. Buxoro qududidan qizillar qöşinining olib ketilişi, Buxoro respublikasining mustaqilligi amalda qaror topişi uçun izçil kuraş olib borgan. Anvar Poşo 1921 y. noyab.da Buxoroga kelgaç, D. uning laşkari safiga qöşilgan. 1922 y. boşlarida D. yigitlari Duşanba atrofidagi Hisor va Baljuvon, şuningdek, Kölobda qizil askar qismlari ustidan ğalabalarga erişgan. 1922 y. 4 avg.da Baljuvon yaqinidagi Obidara qişloğida qizil askarlar b-n bölgan maşhur jangda D. Anvar Poşo b-n birga halok bölgan.
Ad.: Rajabov Q. K., Mustaqil Turkiston fikri uçun mujodalalar, T., 2000; Turkestan v naçale XX veka; k istorii istokov natsionalnoy nezavisimosti, T., 2000; Muhammad Ali Baljuvoniy, Tarixi nofeiy (foydali tarix), T., 2001. Qahramon Rajabov.
Asl matn (kirill, PDF'dagidek)
ДАВЛАТМАНДБЕК Камолиддинбек ўғли (7—1922.4.8) — қўрбоши, Шарқий Бухорода босқинчи қизил армия қисмларига қарши истиқлолчилик ҳаракати раҳбарларидан. Бухоро амирлиги даврида Балжувон беги, девонбеги, лашкарбоши бўлган. Балжувон ва Шеробод бекликларида катта ер-мулки бўлган. Амир Олимхон қизил қўшинга қарши курашда амирлик Қўшинига Иброҳимбек ва Д.ни лашкарбошилар қилиб тайинлаган (1920). Д. Шарқий Бухоронинг Балжувон, Конкурд, Чиғон минтақаларида қизил армияга қарши мустақиллик байроғини кўтарган, 1921 й. бошида унинг қўшини таркибида 5000 дан ортиқ йигит бўлган. 1921 й. 12 авг.да Балжувонда Бухоро халқ республикаси ҳукуматининг фавқулодда мухтор вакили Отаулла Хўжаев б-н Д. қўрбоши ўртасида шартнома имзоланди. Унга кўра, янги Бухоро ҳукумати томонидан Шарқий Бухородаги йирик қўрбошилар Д. ва Султон Эшон Балжувон ва Ғарм инқилобий қўмиталарининг раиси қилиб тайинланган. Д. Бухоро қудудидан қизиллар қўшинининг олиб кетилиши, Бухоро республикасининг мустақиллиги амалда қарор топиши учун изчил кураш олиб борган. Анвар Пошо 1921 й. нояб.да Бухорога келгач, Д. унинг лашкари сафига қўшилган. 1922 й. бошларида Д. йигитлари Душанба атрофидаги Ҳисор ва Балжувон, шунингдек, Кўлобда қизил аскар қисмлари устидан ғалабаларга эришган. 1922 й. 4 авг.да Балжувон яқинидаги Обидара қишлоғида қизил аскарлар б-н бўлган машҳур жангда Д. Анвар Пошо б-н бирга ҳалок бўлган.
Ад.: Ражабов Қ. К., Мустақил Туркистон фикри учун мужодалалар, Т., 2000; Туркестан в начале XX века; к истории истоков национальной независимости, Т., 2000; Муҳаммад Али Балжувоний, Тарихи нофеий (фойдали тарих), Т., 2001. Қаҳрамон Ражабов.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.