Dermatomiozit
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 208-b. — ziyouz.com
Dermatomiozit (dermato... va yun. myos — muskul) — köpinça muskul, teri va nerv zararlanişi b-n ötadigan va kollagenoz turkumiga mansub umumiy kasallik; ötkir, örtaça ötkir yoki surunkali böladi. Aksari sil, iç terlama, gripp kabi yuqumli kasalliklardan keyin röy beradi. Yoşlar va ayollarda köproq uçraydi. Dastlab yuz, keyinroq oyoq-qöl va badanda kizil, kökimtir doğlar, tugunça, pufakçalar paydo böladi, Ular ançagina joyni egallaşi, hatto butun badanga tarqalişi mumkin, Keyinçalik pufakçalar sörilib, örnida qoramtir doğ qoladi, teri yupqalaşadi (atrofiya). Oğiz, tomoq, köz şilliq qavati, oyoq-qöl, qovurğalar orasi, umurtqalar atrofi, hatto köz kosasi muskullari ham kasallanadi; bemor darmonsizlanib, tez çarçaydigan bölib qoladi, ba'zan, harorati kötariladi. Uşbu jarayonda plevrit, endokardit kabi kasalliklar paydo böladi. Davo bemorning umumiy ahvoliga qarab tayinlanadi (asosan kortioksteroidlar buyuriladi).
Asl matn (kirill, PDF'dagidek)
ДЕРМАТОМИОЗИТ (дермато... ва юн. myos — мускул) — кўпинча мускул, тери ва нерв зарарланиши б-н ўтадиган ва коллагеноз туркумига мансуб умумий касаллик; ўткир, ўртача ўткир ёки сурункали бўлади. Аксари сил, ич терлама, грипп каби юқумли касалликлардан кейин рўй беради. Ёшлар ва аёлларда кўпроқ учрайди. Дастлаб юз, кейинроқ оёқ-қўл ва баданда кизил, кўкимтир доғлар, тугунча, пуфакчалар пайдо бўлади, Улар анчагина жойни эгаллаши, ҳатто бутун баданга тарқалиши мумкин, Кейинчалик пуфакчалар сўрилиб, ўрнида қорамтир доғ қолади, тери юпқалашади (атрофия). Оғиз, томоқ, кўз шиллиқ қавати, оёқ-қўл, қовурғалар ораси, умуртқалар атрофи, ҳатто кўз косаси мускуллари ҳам касалланади; бемор дармонсизланиб, тез чарчайдиган бўлиб қолади, баъзан, ҳарорати кўтарилади. Ушбу жараёнда плеврит, эндокардит каби касалликлар пайдо бўлади. Даво беморнинг умумий аҳволига қараб тайинланади (асосан кортиокстероидлар буюрилади).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.