Dilbar Ğulomovna Abdurahmonova
Manba: ÖzME, 1-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 45-b. — ziyouz.com
Abdurahmonova Dilbar Ğulomovna (1936.1.5, Moskva) — dirijyor. Özbekiston xalq artisti (1969), Ğ. Abdurahmonovning qizi. R. Glier nomidagi musiqa maktabini (1945—55), Toşkent davlat konservatoriyasini tugatgan (1960). 1957 y.dan Navoiy teatri simfonik orkestrida skripkaçi, 1960 y.dan dirijyor, 1974—1990 y.larda boş dirijyor. Ilk bor J. Verdining «Aida» operasiga dirijyorlik qilgan. Repertuarida özbek va çet el kompozitorlarining opera va baletlari mavjud. 70- ylarda asosan, balet spektakllari dirijyori sifatida şuhrat qozondi. «Oqquş köli» (P. Çaykovskiy), «Boqçasaroy favvorasi» (B. Asafyev), «Jizel» (A. Adan), «Spartak» (A. Xaçaturyan), «Sevgi tumori» (M. Aşrafiy), «Semurğ» (B. Brovsin), «Tanavor» (A. Kozlovskiy) va b. şular jumlasidan. A. 70- y.larning oxiri — 80- y.larda «Masxarabozlar» (R. Leonkavallo), «Böron» (S. Vasilenko, M. Aşrafiy), «Hayotbaxş ölim» (A. Xolminov), «Olovli fariş-ta» (S. Prokofyev), «Otello» (J. Verdi) va b. operalarni töliq tahrirda sahnalaştirdi. Kasbiy mahorat, musiqa dramaturgiyasini işonarli oçib beriş A. ijodiga xos. Hamza nomidagi Özbekiston Davlat mukofoti laureati (1973).
Asl matn (kirill, PDF'dagidek)
АБДУРАҲМОНОВА Дилбар Ғуломовна (1936.1.5, Москва) — дирижёр. Ўзбекистон халқ артисти (1969), Ғ. Абдураҳмоновнинг қизи. Р. Глиэр номидаги мусиқа мактабини (1945—55), Тошкент давлат консерваториясини тугатган (1960). 1957 й.дан Навоий театри симфоник оркестрида скрипкачи, 1960 й.дан дирижёр, 1974—1990 й.ларда бош дирижёр. Илк бор Ж. Вердининг «Аида» операсига дирижёрлик қилган. Репертуарида ўзбек ва чет эл композиторларининг опера ва балетлари мавжуд. 70- йларда асосан, балет спектакллари дирижёри сифатида шуҳрат қозонди. «Оққуш кўли» (П. Чайковский), «Боқчасарой фаввораси» (Б. Асафьев), «Жизель» (А. Адан), «Спартак» (А. Хачатурян), «Севги тумори» (М. Ашрафий), «Семурғ» (Б. Бровцин), «Танавор» (А. Козловский) ва б. шулар жумласидан. А. 70- й.ларнинг охири — 80- й.ларда «Масхарабозлар» (Р. Леонкавалло), «Бўрон» (С. Василенко, М. Ашрафий), «Ҳаётбахш ўлим» (А. Холминов), «Оловли фариш-та» (С. Прокофьев), «Отелло» (Ж. Верди) ва б. операларни тўлиқ таҳрирда саҳналаштирди. Касбий маҳорат, мусиқа драматургиясини ишонарли очиб бериш А. ижодига хос. Ҳамза номидаги Ўзбекистон Давлат мукофоти лауреати (1973).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.