Dili kabutar
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 267-b. — ziyouz.com
Dili kabutar DILI KABUTAR, kaptar yuragi — keçpişar xöraki uzum navi. Tupi örtaça va kuçli ösadi. Guli ikki jinsli. Bargi katta, beş bölakli, köp kertikli, arra tişli, töq yaşil, çeti sal yuqoriga qayrilgan. Uzum boşi katta (böyi 22 sm gaça), silindrsimon, şingillari hovol, oğirligi 280—300 g, ba'zilari 500—600 g. Ğujumi yirik, tuxum şaklida, kökimtir-novvotrang, eti qalin, mazali, karsillaydi, pöstining qalinligi örtaça. D. k. nomi nav ğujumining kaptar yuragiga öxşaşligi sababli yuzaga kelgan. Sent.da pişadi. Tarkibida 20— 24% qand, 3,5—5% kislota bor. Gektaridan 110— 150 s hosil beradi. Sovuqqa, qurğoqçilikka çidamsiz. Andijon, Samarqand, Qaşqadaryo viloyatlarida, Tojikistonda östiriladi.
Asl matn (kirill, PDF'dagidek)
ДИЛИ КАБУТАР, каптар юраги — кечпишар хўраки узум нави. Тупи ўртача ва кучли ўсади. Гули икки жинсли. Барги катта, беш бўлакли, кўп кертикли, арра тишли, тўқ яшил, чети сал юқорига қайрилган. Узум боши катта (бўйи 22 см гача), цилиндрсимон, шингиллари ҳовол, оғирлиги 280—300 г, баъзилари 500—600 г. Ғужуми йирик, тухум шаклида, кўкимтир-новвотранг, эти қалин, мазали, карсиллайди, пўстининг қалинлиги ўртача. Д. к. номи нав ғужумининг каптар юрагига ўхшашлиги сабабли юзага келган. Сент.да пишади. Таркибида 20— 24% қанд, 3,5—5% кислота бор. Гектаридан 110— 150 ц ҳосил беради. Совуққа, қурғоқчиликка чидамсиз. Андижон, Самарқанд, Қашқадарё вилоятларида, Тожикистонда ўстирилади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.