«Dinamo»
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 275-b. — ziyouz.com
«Dinamo» — jismoniy tarbiya va sport jamiyati. Bu jamiyat Özbekistonda 1925 y.dan faoliyat körsatadi. 1993 y.da ÖzR Adliya vazirligida röyxatdan ötgan. Özbekistonning «D.» jamiyati maqsad va vazifalariga Içki işlar vazirligi, Milliy xavfsizlik xizmati, Davlat bojxona qömitasi tarmoklaridagi zobit-xizmatçilar hamda ularning oila a'zolari örtasida jismoniy tarbiya va sportni yanada ommalaştiriş, merganlik, yakkakuraş, amaliy sport turlarini rivojlantiriş orqali şu tarmoqlardagi zobit-xizmatçilarning mehnat samaradorligini oşiriş va mahoratli sportçilarni tarbiyalaş kiradi. «D.» jamiyatini hay'at boşqaradi. Uning Qoraqalpoğiston Respublikasi va viloyatlarda bölimlari bor. Jamiyatda merganlik, qöl jangi, boks, dzyudo, sambo, karate, erkin kuraş, yunon-rum kuraşi, özbekça kuraş, futbol, voleybol kabi sport turlari keng ommalaşgan. Toşkent ş.dagi «Jar», «Dinamo» kabi önlab zamonaviy sport inşootlariga ega. Ularda aholiga pullik xizmat körsatiş ham keng yölga qöyilgan. Özbekiston Içki işlar vazirligiga qaraşli «Akademiya» futbol klubi musobaqalarda muvaffaqiyatli qatnaşgan. «D.» jamiyatining 90 mingdan ziyod a'zosi bölib, malakali murabbiylar qöl ostida 40 dan ortiq sport turi böyiça şuğullanişadi. «D.» jamiyatida 5 nafar xizmat körsatgan sport ustozi, 12 nafar xizmat körsatgan sportçi işlaydi (2001). Rufat Riskiyev, Muhammadqodir Abdullayev, Dilşod Yorbekov, Sergey Mixaylov, Tölqin Turğunov, Ruslan Çagayev, Ötkir Haydarov (boks), Elvira Saadi (sport gimnastikasi), Komil Fatkulin (yunon-rum kuraşi), Armen Bagdasarov (dzyudo), Bobomurod Fayziyev, Şuhrat Xöjayev (sambo va özbekça kuraş) kabi «D.»çilar olimpiada, Osiyo öyinlari, jahon kubogi ğoliblari, jahon va Osiyo çempionlari hamda sovrindorlari bölişgan.
Asl matn (kirill, PDF'dagidek)
«ДИНАМО» — жисмоний тарбия ва спорт жамияти. Бу жамият Ўзбекистонда 1925 й.дан фаолият кўрсатади. 1993 й.да ЎзР Адлия вазирлигида рўйхатдан ўтган. Ўзбекистоннинг «Д.» жамияти мақсад ва вазифаларига Ички ишлар вазирлиги, Миллий хавфсизлик хизмати, Давлат божхона қўмитаси тармокларидаги зобит-хизматчилар ҳамда уларнинг оила аъзолари ўртасида жисмоний тарбия ва спортни янада оммалаштириш, мерганлик, яккакураш, амалий спорт турларини ривожлантириш орқали шу тармоқлардаги зобит-хизматчиларнинг меҳнат самарадорлигини ошириш ва маҳоратли спортчиларни тарбиялаш киради. «Д.» жамиятини ҳайъат бошқаради. Унинг Қорақалпоғистон Республикаси ва вилоятларда бўлимлари бор. Жамиятда мерганлик, қўл жанги, бокс, дзюдо, самбо, каратэ, эркин кураш, юнон-рум кураши, ўзбекча кураш, футбол, волейбол каби спорт турлари кенг оммалашган. Тошкент ш.даги «Жар», «Динамо» каби ўнлаб замонавий спорт иншоотларига эга. Уларда аҳолига пуллик хизмат кўрсатиш ҳам кенг йўлга қўйилган. Ўзбекистон Ички ишлар вазирлигига қарашли «Академия» футбол клуби мусобақаларда муваффақиятли қатнашган. «Д.» жамиятининг 90 мингдан зиёд аъзоси бўлиб, малакали мураббийлар қўл остида 40 дан ортиқ спорт тури бўйича шуғулланишади. «Д.» жамиятида 5 нафар хизмат кўрсатган спорт устози, 12 нафар хизмат кўрсатган спортчи ишлайди (2001). Руфат Рискиев, Муҳаммадқодир Абдуллаев, Дилшод Ёрбеков, Сергей Михайлов, Тўлқин Турғунов, Руслан Чагаев, Ўткир Ҳайдаров (бокс), Эльвира Саади (спорт гимнастикаси), Комил Фаткулин (юнон-рум кураши), Армен Багдасаров (дзюдо), Бобомурод Файзиев, Шуҳрат Хўжаев (самбо ва ўзбекча кураш) каби «Д.»чилар олимпиада, Осиё ўйинлари, жаҳон кубоги ғолиблари, жаҳон ва Осиё чемпионлари ҳамда совриндорлари бўлишган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.