Diplomatik munosabat
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 291–292-b. — ziyouz.com
Diplomatik munosabat - xalqaro huquq meyorlariga va xalqaro muloqot tajribasiga köra davlatlar örtasida rasmiy munosabatlarni yuritişning asosiy şakli. D.m. davlatlar örtasida döstona aloqalarni rivojlantirişga, xalqaro tinçlik va xavfsizlikni saqlab turişga kömaklaşişi zarur. Diplomatik munosabatlar tugrisidagi 1961 y. Vena konvensiyasiga binoan davlatlararo D.m. özaro kelişuv asosida yölga qöyiladi. D.m.ni örnatişda odatda biron-bir davlat va uning hukumatining boşqa bir davlat tomonidan defakto yoxud deyure tan olinişi dastlabki qadam hisoblanadi. D.m. manfaatdor davlatlar vakillari b-n bevosita yoki bilvosita, uçinçi bir davlat diplomatik vakillari bilan muzokara yuritiş natijasida örnatiladi hamda davlatlar va hukumatlarning boşliqlari, taşqi işlar vazirlari, maxsus vakolatli şaxslarning özaro maktub, telegramma va xatlar ayirboşlaşi tarzida rasmiylaştiriladi. Tomonlar D.m. örnatilişi fakti haqida, diplomatik vakilliklar darajasi (elçixona yoki missiya), bitimning kuçga kiriş sanasi, uni e'lon qiliş muddati va tartibi töğrisida ham özaro kelişib oladi.
Asl matn (kirill, PDF'dagidek)
ДИПЛОМАТИК МУНОСАБАТ - халқаро ҳуқуқ меъёрларига ва халқаро мулоқот тажрибасига кўра давлатлар ўртасида расмий муносабатларни юритишнинг асосий шакли. Д.м. давлатлар ўртасида дўстона алоқаларни ривожлантиришга, халқаро тинчлик ва хавфсизликни сақлаб туришга кўмаклашиши зарур. Дипломатик муносабатлар тугрисидаги 1961 й. Вена конвенциясига биноан давлатлараро Д.м. ўзаро келишув асосида йўлга қўйилади. Д.м.ни ўрнатишда одатда бирон-бир давлат ва унинг ҳукуматининг бошқа бир давлат томонидан дефакто ёхуд деюре тан олиниши дастлабки қадам ҳисобланади. Д.м. манфаатдор давлатлар вакиллари б-н бевосита ёки билвосита, учинчи бир давлат дипломатик вакиллари билан музокара юритиш натижасида ўрнатилади ҳамда давлатлар ва ҳукуматларнинг бошлиқлари, ташқи ишлар вазирлари, махсус ваколатли шахсларнинг ўзаро мактуб, телеграмма ва хатлар айирбошлаши тарзида расмийлаштирилади. Томонлар Д.м. ўрнатилиши факти ҳақида, дипломатик вакилликлар даражаси (элчихона ёки миссия), битимнинг кучга кириш санаси, уни эълон қилиш муддати ва тартиби тўғрисида ҳам ўзаро келишиб олади.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.