Diplomatiya tili
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 294-b. — ziyouz.com
Diplomatiya tili - 1) diplomatik aloqalar va xalqaro şartnomalar tili. Hozirgi vaqtda majburiy D.t. yöq. Umumiy qoidaga binoan taşqi aloqa organlarida öz milliy tillari qöllanadi. Ayrim istisnolardan taşqari, ikki tomonlama xalqaro şartnomalar, şuningdek, iştirokçilari soni çeklangan köp tomonlama şartnomalar mazkur tomonlarning tillarida tuziladi. Xalqaro taşkilotlarda va konferensiyalarda tillar tegişli tartib-qoidalar asosida işlatiladi. Uşbu anjumanlarda tillar rasmiy tillarga (ularda barça eng muhim dip-lomatik hujjatlar tuziladi) va iş yuritiladigan tillarga (şu tillarda munozara olib boriladi, loyiha va h.k. tuziladi) bölinadi. BMT Boş Assambleyasida rasmiy va iş yuritiladigan 6 tildan — arab, ingliz, ispan, rus, fransuz va xitoy tillaridan foydalaniladi. BMT doirasida va rahbarligida qabul qilinadigan köp tomonlama xalqaro şartnomalar (ayniqsa, umumiy tusdagilari) bir xil matnga ega bölib, qoida tariqasida BMT rasmiy tillarida tuziladi; 2) diploma-tik luğatga kirgan maxsus terminlar va iboralar (mas, agreman, statuskvo, retorsiyalar va h.k.).
Asl matn (kirill, PDF'dagidek)
ДИПЛОМАТИЯ ТИЛИ - 1) дипломатик алоқалар ва халқаро шартномалар тили. Ҳозирги вақтда мажбурий Д.т. йўқ. Умумий қоидага биноан ташқи алоқа органларида ўз миллий тиллари қўлланади. Айрим истиснолардан ташқари, икки томонлама халқаро шартномалар, шунингдек, иштирокчилари сони чекланган кўп томонлама шартномалар мазкур томонларнинг тилларида тузилади. Халқаро ташкилотларда ва конференцияларда тиллар тегишли тартиб-қоидалар асосида ишлатилади. Ушбу анжуманларда тиллар расмий тилларга (уларда барча энг муҳим дип-ломатик ҳужжатлар тузилади) ва иш юритиладиган тилларга (шу тилларда мунозара олиб борилади, лойиҳа ва ҳ.к. тузилади) бўлинади. БМТ Бош Ассамблеясида расмий ва иш юритиладиган 6 тилдан — араб, инглиз, испан, рус, француз ва хитой тилларидан фойдаланилади. БМТ доирасида ва раҳбарлигида қабул қилинадиган кўп томонлама халқаро шартномалар (айниқса, умумий тусдагилари) бир хил матнга эга бўлиб, қоида тариқасида БМТ расмий тилларида тузилади; 2) диплома-тик луғатга кирган махсус терминлар ва иборалар (мас, агреман, статускво, реторсиялар ва ҳ.к.).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.