Disklaş
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 299-b. — ziyouz.com
Disklaş DISKLAŞ, tuproqni disklaş — yerning ustki haydalma qatlamini diskli borona va yumşatgiçlar (luşçilnik) b-n işlaş. D.da tuproqni yumşatiş, maydalaş, aralaştiriş va qatlamni yuza ağdariş işlari bajariladi. Çimli yerlarda ajriq va şunga öxşaş ötlarni yöqotiş, çim palaxsa köçmasligini oldini oliş maqsadida yer haydaşgaça ötkaziladi. Suğorma dehqonçilik şaroitida qumoq tuproqlarda D. yer haydaşdan oldin yoki dalani ekin ekişga tayyorlaşda; palaxsali şudgorni işlaşda, hali yetilmagan yerni bahorgi haydovdan söng yoki bahorgi boronalaş keçikkanda, oraliq ekin ekiş uçun yozgi şudgor vaqtida 10—12 sm çuqurlikda ötkaziladi. Haydalgan bedapoyalarda qayta kökargan öt va bedalarni yöqotiş, eski bedapoyalarda tuproq aeratsiyasini yaxşilaş, şuningdek, yangi poyalarni kökartiriş uçun D. yaxşi samara beradi. Biroq, ildizpoyali begona öt bosgan yerlarni ekişdan oldin D. dalaning yanada öt bosişiga olib keladi (ildizpoya maydalanib, dalaga yoyilib ketadi).
Asl matn (kirill, PDF'dagidek)
ДИСКЛАШ, тупроқни дисклаш — ернинг устки ҳайдалма қатламини дискли борона ва юмшатгичлар (лушчильник) б-н ишлаш. Д.да тупроқни юмшатиш, майдалаш, аралаштириш ва қатламни юза ағдариш ишлари бажарилади. Чимли ерларда ажриқ ва шунга ўхшаш ўтларни йўқотиш, чим палахса кўчмаслигини олдини олиш мақсадида ер ҳайдашгача ўтказилади. Суғорма деҳқончилик шароитида қумоқ тупроқларда Д. ер ҳайдашдан олдин ёки далани экин экишга тайёрлащда; палахсали шудгорни ишлашда, ҳали етилмаган ерни баҳорги ҳайдовдан сўнг ёки баҳорги бороналаш кечикканда, оралиқ экин экиш учун ёзги шудгор вақтида 10—12 см чуқурликда ўтказилади. Ҳайдалган бедапояларда қайта кўкарган ўт ва бедаларни йўқотиш, эски бедапояларда тупроқ аэрациясини яхшилаш, шунингдек, янги пояларни кўкартириш учун Д. яхши самара беради. Бироқ, илдизпояли бегона ўт босган ерларни экишдан олдин Д. даланинг янада ўт босишига олиб келади (илдизпоя майдаланиб, далага ёйилиб кетади).
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.