Dismenoreya

Dismenoreya (due... va yun. men — hayz, rhoira — keçiş), algomeno-r ye ya — hayzning oğriqli keçişi. D.da, odatda, qorin pasti, bel va dumğaza sohasi oğriydi. Oğriq hayzdan oldin yoki uning dastlabki kunlari paydo bölib, butun hayz kunlari davomida kuzatiladi. Ba'zan köngil aynişi, qusiş, boş oğriği, umumiy ahvolning özgarişi hollari kuzatiladi. D. birlamçi va ikkilamçi böladi. Birlamçi D. jinsiy a'zolarning kasalliklari b-n boğliq bölmaydi, köpinça tuğmagan ayollarda uçraydi. Ikkilamçi D. turli ginekologik kasalliklar (ösma, endometrioz va b.)ning oqibatidir. D. mustaqil kasallik bölmay, balki turli kasalliklar, rivojlaniş anomaliyalari va b.ning belgisi sifatida namoyon böladi. D.ning yuzaga kelişida ayniqsa, nerv sistemasining funksional xususiyatlari va özgarişlari, şuningdek, boşdan keçirilgan kasalliklar (infeksiya, zöriqiş, oğir ruhiy keçinmalar), infantilizm, endokrin buzilişlar muhim rol öynaydi. D.ni davolaş uni yuzaga keltirgan omillarni bartaraf etişdan iborat. Birlamçi D.da nerv sistemasi faoliyatini tartibga soliş, normal hayot tarzi, töğri ovqatlaniş, ruhiyatga zararli ta'sirotlarni yöqotiş, turli somatik kasalliklarni davolaş lozim. Ikkilamçi D.da yalliğlaniş kasalliklari, endometrioz va b.ni davolaşga e'tibor beriş kerak.