Dovud
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 329-b. — ziyouz.com
Dovud — Qur'onda nomi zikr etilgan payğambarlardan biri. Yahudiy va xristian diniy adabiyotlarida David nomi b-n ma'lum bölgan. Tarixiy ma'lumotlarga köra, D. mil. av. 11-a.da Isroil va Iudeyani birlaştirib, yagona yahudiy davlatini tuzgan podşo. Qur'onda yozilişiça, D. Jolut (falastinliklar laşkarboşisi) ustidan ğalaba qozongan. «Alloh unga (D.ga) podşohlik, payğambarlik va Özi xohlagan narsalaridan ta'lim berdi» (Qur'on, 2:251), D. alayhissalomga Muso (as)dan söng samoviy kitob — Zabur tuşirilgan. D. temirçilikning asosçisi hisoblanadi, öz qöl mehnati b-n tirikçilik ötkazgan: temirdan har xil asboblar yasab, uni sotib kun körgan. Ayni çoğda D. ning nihoyatda xuşovoz bölganligi, toğlaru quşlar unga qöşilib «tasbeh aytişi», da'volaşuvçi tomonlarni murosaga keltiriş, odilona hukm qiliş qobiliyatiga ega ekanligi haqida köp rivoyatlar bor. D. alayhissalom vafotidan söng, barça mulk va payğambarlik öğli Sulaymon (as)ga meros bölib qolgan.
Asl matn (kirill, PDF'dagidek)
ДОВУД — Қуръонда номи зикр этилган пайғамбарлардан бири. Яҳудий ва христиан диний адабиётларида Давид номи б-н маълум бўлган. Тарихий маълумотларга кўра, Д. мил. ав. 11-а.да Исроил ва Иудеяни бирлаштириб, ягона яҳудий давлатини тузган подшо. Қуръонда ёзилишича, Д. Жолут (фаластинликлар лашкарбошиси) устидан ғалаба қозонган. «Аллоҳ унга (Д.га) подшоҳлик, пайғамбарлик ва Ўзи хоҳлаган нарсаларидан таълим берди» (Қуръон, 2:251), Д. алайҳиссаломга Мусо (ас)дан сўнг самовий китоб — Забур туширилган. Д. темирчиликнинг асосчиси ҳисобланади, ўз қўл меҳнати б-н тирикчилик ўтказган: темирдан ҳар хил асбоблар ясаб, уни сотиб кун кўрган. Айни чоғда Д. нинг ниҳоятда хушовоз бўлганлиги, тоғлару қушлар унга қўшилиб «тасбеҳ айтиши», даъволашувчи томонларни муросага келтириш, одилона ҳукм қилиш қобилиятига эга эканлиги ҳақида кўп ривоятлар бор. Д. алайҳиссалом вафотидан сўнг, барча мулк ва пайғамбарлик ўғли Сулаймон (ас)га мерос бўлиб қолган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.