Dyugon
Manba: ÖzME, 3-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 427-b. — ziyouz.com
Dyugon DYUGON, dyugonlar (Dugong dugong) — sirenalar turkumiga mansub sut emizuvçi hayvon. Suvda yaşaydi. Bitta turi bor. Gavdasi duksimon, uz. 3,5 m ça, ogirligi 140—170 kg gaça, tanasining oxirida köndalang joylaşgan ikki bölakli suzğiç qanoti bor. Oldingi oyoqlari kurakka aylangan, orqa oyoklari skeletidan faqat rudiment holdagi çanoq suyaklari saqlanib qolgan. Erkagining uz. 7 sm gaça bölgan kurak tişi filnikiga öxşaş taşqariga çiqib turadi. Homiladorlik davri 1 yilgaça. Bitta bola tuğadi. Qizil dengiz, Afrikaning şarqiy qirğoqlari, Hindiston yarim oroli, Hind-Malayya va Filippin arxipelagida, Tayvan, Yangi Gvineya, Şim. Avstraliya, Solomon, Yangi Kaledoniya orollarida tarqalgan. Göşti yeyiladi, terisidan tagçarm tayyorladi. D. hozir kam qolgan. Xalqaro Qizil kitobga kiritilgan.
Asl matn (kirill, PDF'dagidek)
ДЮГОНЬ, дюгонлар (Dugong dugong) — сиреналар туркумига мансуб сут эмизувчи ҳайвон. Сувда яшайди. Битта тури бор. Гавдаси дуксимон, уз. 3,5 м ча, огирлиги 140—170 кг гача, танасининг охирида кўндаланг жойлашган икки бўлакли сузғич қаноти бор. Олдинги оёқлари куракка айланган, орқа оёклари скелетидан фақат рудимент ҳолдаги чаноқ суяклари сақланиб қолган. Эркагининг уз. 7 см гача бўлган курак тиши филникига ўхшаш ташқарига чиқиб туради. Ҳомиладорлик даври 1 йилгача. Битта бола туғади. Қизил денгиз, Африканинг шарқий қирғоқлари, Ҳиндистон ярим ороли, Ҳинд-Малайя ва Филиппин архипелагида, Тайвань, Янги Гвинея, Шим. Австралия, Соломон, Янги Каледония оролларида тарқалган. Гўшти ейилади, терисидан тагчарм тайёрлади. Д. ҳозир кам қолган. Халқаро Қизил китобга киритилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.