Dyuk Ellington
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 108–109-b. — ziyouz.com
Ellington Dyuk (taxallusi, asl ismi Eduard Kennedi) (1899.29.4, Vaşington 1974.24.5, Nyu-York) — afrikaamerikalik pianinoçi, kompozitor, jazorkestri rahbari; mumtoz jaz san'ati asosçilaridan. Bir neça akademiyalar faxriy a'zosi. 1916 yildan turli jaz ansambllarida qatnaşgan, 1927 yilda jaz orkestrini taşkil qilib, tarkibiga maşhur sozandalarni jalb qilgan, u bilan jahonning köpgina mamlakatlarida konsertlar uyuştirgan. E. birinçi bölib jazda yirik musiqiy şakllar (orkestr uçun syuitalar — «Liberiya syuitasi», «Tungi odam», «Şekspir dramalaridan 12 lavha» va boşqalar, «Diniy musiqa konserti»), öziga xos ohang beruvçi afrika musiqa çolğularidan foydalangan. Uning orkestri jörligida buyuk xonandalar kuylagan. Amerika qoratanlilar folklori, maişiy jaz kuy va qöşikdaridan keng foydalanib, yangi («jungli», «kayfiyatlar» va boşqalar) uslublarini kaşf qilgan; jaz musiqasini konsert san'ati darajasiga kötargan. Köpgina ommalaşgan kuylar («Indigo kayfiyati», «Karvon», «Yolğizlik», «Sinalgan xonim» va boşqalar), şuningdek, spektakl va kinofilmlar uçun musiqalar, baletlar, «Bula» operasi va boşqalarni yaratgan. Jahon böylab gastrolda bölgan. Köpgina milliy («Gremmi» va boşqalar) mukofotlar bilan taqsirlangan.
Asl matn (kirill, PDF'dagidek)
ЭЛЛИНГТОН Дюк (тахаллуси, асл исми Эдуард Кеннеди) (1899.29.4, Вашингтон 1974.24.5, Нью-Йорк) — африкаамерикалик пианиночи, композитор, жазоркестри раҳбари; мумтоз жаз санъати асосчиларидан. Бир неча академиялар фахрий аъзоси. 1916 йилдан турли жаз ансамблларида қатнашган, 1927 йилда жаз оркестрини ташкил қилиб, таркибига машҳур созандаларни жалб қилган, у билан жаҳоннинг кўпгина мамлакатларида концертлар уюштирган. Э. биринчи бўлиб жазда йирик мусиқий шакллар (оркестр учун сюиталар — «Либерия сюитаси», «Тунги одам», «Шекспир драмаларидан 12 лавҳа» ва бошқалар, «Диний мусиқа концерти»), ўзига хос оҳанг берувчи африка мусиқа чолғуларидан фойдаланган. Унинг оркестри жўрлигида буюк хонандалар куйлаган. Америка қоратанлилар фольклори, маиший жаз куй ва қўшикдаридан кенг фойдаланиб, янги («жунгли», «кайфиятлар» ва бошқалар) услубларини кашф қилган; жаз мусиқасини концерт санъати даражасига кўтарган. Кўпгина оммалашган куйлар («Индиго кайфияти», «Карвон», «Ёлғизлик», «Синалган хоним» ва бошқалар), шунингдек, спектакль ва кинофильмлар учун мусиқалар, балетлар, «Була» операси ва бошқаларни яратган. Жаҳон бўйлаб гастролда бўлган. Кўпгина миллий («Грэмми» ва бошқалар) мукофотлар билан тақцирланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.