Ehtiyotsizlik
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 282-b. — ziyouz.com
Ehtiyotsizlik — ayb şakllaridan biri. Qilmiş öz-öziga işoniş yoki beparvolik orqasida sodir etilişi mumkin. Özbekiston Respublikasi JKda ana şu har 2 holatda sodir etilgan jinoyat quyidagiça ta'riflanadi: «Agar jinoyatni sodir etgan şaxs öz xulq-atvori qonunda nazarda tutilgan ijtimoiy xavfli oqibatlar keltirib çiqarişi mumkinligiga közi yeta turib, ehtiyotkorlik çoratadbirlariga ongli ravişda rioya etmagan holda bunday oqibatlar kelib çiqmasligiga asossiz ravişda umid qilgan bölsa, bunday jinoyat öz-öziga işoniş oqibatida sodir etilgan deb topiladi. Agar jinoyat sodir etgan şaxs öz xulq-atvori qonunda nazarda tutilgan ijtimoiy xavfli oqibatlar keltirib çiqarişi mumkinligiga közi yetmasada, lekin közi yetişi lozim va mumkin bölsa, bunday jinoyat beparvolik orqasida sodir etilgan deb topiladi» (22-modda). E. tuşunçasi Özbekiston Respublikasining ma'muriy, fuqarolik, mehnat huquqlarida ham uçraydi. Öz xususiyatlariga köra, E. orqasida sodir etilgan jinoyatlar qonunçilik asosida aybning birmunça xavfsiz şakli deb belgilangan.
Asl matn (kirill, PDF'dagidek)
ЭҲТИЁТСИЗЛИК — айб шаклларидан бири. Қилмиш ўз-ўзига ишониш ёки бепарволик орқасида содир этилиши мумкин. Ўзбекистон Республикаси ЖКда ана шу ҳар 2 ҳолатда содир этилган жиноят қуйидагича таърифланади: «Агар жиноятни содир этган шахс ўз хулқ-атвори қонунда назарда тутилган ижтимоий хавфли оқибатлар келтириб чиқариши мумкинлигига кўзи ета туриб, эҳтиёткорлик чоратадбирларига онгли равишда риоя этмаган ҳолда бундай оқибатлар келиб чиқмаслигига асоссиз равишда умид қилган бўлса, бундай жиноят ўз-ўзига ишониш оқибатида содир этилган деб топилади. Агар жиноят содир этган шахс ўз хулқ-атвори қонунда назарда тутилган ижтимоий хавфли оқибатлар келтириб чиқариши мумкинлигига кўзи етмасада, лекин кўзи етиши лозим ва мумкин бўлса, бундай жиноят бепарволик орқасида содир этилган деб топилади» (22-модда). Э. тушунчаси Ўзбекистон Республикасининг маъмурий, фуқаролик, меҳнат ҳуқуқларида ҳам учрайди. Ўз хусусиятларига кўра, Э. орқасида содир этилган жиноятлар қонунчилик асосида айбнинг бирмунча хавфсиз шакли деб белгиланган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.