Elba
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 118-b. — ziyouz.com
Elba ELBA, Laba — Yevropadagi daryo, Çexiya va Germaniya hududlaridan oqadi. Uz. 1165 km, havzasining mayd. 154,8 ming km2. Krkonoşe toğlarining jan.ğarbiy yon bağirlaridan boşlanadi. Yuqori oqimida 70 m balandlikdagi Elba şarşarasini hosil qiladi. Rudali toğlar va Saksoniya (Şveysariya) toğ tizmalaridagi daralardan, Maysen şahridan quyirokda Örta Yevropa tekisligi böylab botqoq va köllar hos,il qilib keng vodiydan oqadi. Qirğoklarida toşqinga qarşi dambalar qurilgan. Daryo kengligi Drezden şahri yaqinida 100—150 m dan Gamburg şahrida 300—500 m gaça yetadi. Estuariy hosil qilib Şim. dengizga quyiladi. Asosiy irmoqlari: Yizera, Xafel, Vltava, Zaale. Örtaça suv sarfi 920 m3/sek., bahor oylarida toşadi. Quyiliş yeridan 950 km masofada kema qatnaydi, Gamburg şahrigaça dengiz kemalari ham kira oladi. Kanallar orqali Vezer, Ems, Reyn va Odra daryolari, Kil kanali orqali Boltiq dengizi bilan boğlangan. E. böyida Usti, Drezden, Magdeburg şahrilari, quyiliş yerida Gamburg port şahri joylaşgan.
Asl matn (kirill, PDF'dagidek)
ЭЛЬБА, Лаба — Европадаги дарё, Чехия ва Германия ҳудудларидан оқади. Уз. 1165 км, ҳавзасининг майд. 154,8 минг км2. Крконоше тоғларининг жан.ғарбий ён бағирларидан бошланади. Юқори оқимида 70 м баландликдаги Эльба шаршарасини ҳосил қилади. Рудали тоғлар ва Саксония (Швейцария) тоғ тизмаларидаги даралардан, Майсен шаҳридан қуйирокда Ўрта Европа текислиги бўйлаб ботқоқ ва кўллар ҳос,ил қилиб кенг водийдан оқади. Қирғокларида тошқинга қарши дамбалар қурилган. Дарё кенглиги Дрезден шаҳри яқинида 100—150 м дан Гамбург шаҳрида 300—500 м гача етади. Эстуарий ҳосил қилиб Шим. денгизга қуйилади. Асосий ирмоқлари: Йизера, Хафель, Влтава, Заале. Ўртача сув сарфи 920 м3/сек., баҳор ойларида тошади. Қуйилиш еридан 950 км масофада кема қатнайди, Гамбург шаҳригача денгиз кемалари ҳам кира олади. Каналлар орқали Везер, Эмс, Рейн ва Одра дарёлари, Киль канали орқали Болтиқ денгизи билан боғланган. Э. бўйида Усти, Дрезден, Магдебург шаҳрилари, қуйилиш ерида Гамбург порт шаҳри жойлашган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.