Elefantina
Manba: ÖzME, 10-jild (2000–2005), «Özbekiston milliy ensiklopediyasi» Davlat ilmiy naşriyoti · elektron nusxa: ziyouz.com kutubxonasi, 104-b. — ziyouz.com
Elefantina — Nil daryosidagi orol (Asvon qarşisida) va undagi qadimiy qişloqning yunonça nomi. E.Qad. Misrning jan.dagi viloyatlar bilan mol ayirboşlaş savdosi (fil suyagi va boşqalar mahsulotlar) markazi va Nubiya bilan çegaradoş ma'muriy okrug — nom (q. Nomlar) poytaxti bölgan. Orolda qadimiy podşolikdan Rim imperiyasining sönggi davriga oid tarixiy yodgorliklar aniqlangan. 18 va 19sulola fir'avnlari davrida E.da ma'bud Xnum, ma'budalar Satis, Anukis va boşqalar ibodatxonalar qurilgan, ularning xarobalari 19-asr boşiga qadar saqlangan. 1908 yil mumiyolangan muqaddas qöylarning toş sarqofalardagi nekropoli oçilgan. Granitdan işlangan Zafar arkasi (mil. av. 4-asr oxiri), Strabon tavsiflagan suv sathining kötarilişini ölçovçi nilometr, Misr iyeratik papiruslari (mil. av. 25-asr), mahalliy nomarxlar arxivi, oromiy papiruslari va E.da joylaşgan yahudiy harbiy manzilgohlar arxiviga doir sopol parçasiga yozilgan bitiklar (ostraka, mil. av. 6—5-asrlar) topilgan.
Q.: Nomlar
Asl matn (kirill, PDF'dagidek)
ЭЛЕФАНТИНА — Нил дарёсидаги орол (Асвон қаршисида) ва ундаги қадимий қишлоқнинг юнонча номи. Э.Қад. Мисрнинг жан.даги вилоятлар билан мол айирбошлаш савдоси (фил суяги ва бошқалар маҳсулотлар) маркази ва Нубия билан чегарадош маъмурий округ — ном (қ. Номлар) пойтахти бўлган. Оролда қадимий подшоликдан Рим империясининг сўнгги даврига оид тарихий ёдгорликлар аниқланган. 18 ва 19сулола фиръавнлари даврида Э.да маъбуд Хнум, маъбудалар Сатис, Анукис ва бошқалар ибодатхоналар қурилган, уларнинг харобалари 19-аср бошига қадар сақланган. 1908 йил мумиёланган муқаддас қўйларнинг тош сарқофалардаги некрополи очилган. Гранитдан ишланган Зафар аркаси (мил. ав. 4-аср охири), Страбон тавсифлаган сув сатҳининг кўтарилишини ўлчовчи нилометр, Миср иератик папируслари (мил. ав. 25-аср), маҳаллий номархлар архиви, оромий папируслари ва Э.да жойлашган яҳудий ҳарбий манзилгоҳлар архивига доир сопол парчасига ёзилган битиклар (острака, мил. ав. 6—5-асрлар) топилган.
Matn ÖzME'dan o'zgartirişsiz olingan, faqat yozuvi yangi alifboga o'girilgan. Qisqartmalar asl holida. Xato ko'rsangiz — xabar bering.